كوردى

گومانلێکراوی هێرشەکەی سەر یانەی دۆرتمۆند دەستگیر دەکرێت

باسنيوز Basnews
مصدر الخبر / باسنيوز Basnews

 

هێزە ئەمنییەکانی ئەڵمانیا گومانلێکراوی هێرشەکەی سەر یانەی دۆرتمۆند دەستگیر دەکەن.

 

رۆژی هەینی 21.4.2017، داواکاری گشتیی ئەڵمانیا لە بەیاننامەیەکدا رایگەیاند، کە بە فەرمانی ئەو دەزگایە، پۆلیسی ئەڵمانیا هاووڵاتیی سێرگی دەبلیوی تەمەن 28 ساڵی دەستگیر کردووە.

 

سێرگی دەبلیو هاووڵاتییەکی ئەڵمانی بە رەگەز رووسییە و بە تۆمەتی ئەنجامدانی تەقینەوەکانی بەردەم پاسێکی یانەی دۆرتمۆندی ئەڵمانی دەستگیر کراوە، کە بوونە هۆی برینداربوونی مارک بارترای یاریزانی یانەکە، پێش یارییەکی ئەو یانەیە لەگەڵ یانەی مۆناکۆی فەرەنسی.

 

داواکاری گشتیی ئەڵمانی ئاماژەی بەوەش کردووە، کە ئەو هاووڵاتییە گرەوی لەسەر بردنەوەی یانەی مۆناکۆ کردووە و هەوڵی داوە لەرێی تەقاندنەوەی ئەو سێ بۆمبە، رێگریی لە چوونی یانەکە بۆ یاریگا بکات و بەدۆڕاندنی بدات.

 

شەوی سێشەممە 11.4.2017، سێ بۆمب لە نزیک پاسێکی گواستنەوەی یاریزانانی یانەی برووسیا دۆرتمۆندی ئەڵمانی لە شاری دۆرتمۆند تەقینەوە.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك