كوردى

بارزانى و ماكگۆرك له‌باره‌ى شكه‌ست دامه‌زرانن حكومه‌ت عراقى وشدارى دان

شفق نيوز
مصدر الخبر / شفق نيوز

شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، له‌ هه‌وارگه‌ى سه‌ڵاحه‌دين له‌ هه‌ولێر پيشوازى له‌ برێت ماكگۆرك كلكرياگ تايبه‌ت سه‌رۆك ئه‌مريكى ئه‌را هاوپه‌يمانى دژ ريكخرياگ داعش كرد و هه‌ردوگلا دانيشتنيگ له‌وه‌ر تاوتوێكردن بارودوخ عراق و هه‌رێم كوردستان ساز كردن.

 

ماڵپه‌ڕ تايبه‌ت بارزانى به‌ياننامه‌يگ بڵاوكرد ك شه‌فه‌ق نيوز ئاگادارى بوێ وت: ماكگۆرك پيرووزباپى له‌ بارزانى و ملله‌ت كوردستان كردگه‌ وه‌ بوونه‌ى سه‌ركه‌فتن هه‌ڵوژاردنه‌يل عراق و سه‌ركه‌فتن پارت ديموكرات كوردستان و باسيش له‌ رۆڵ گرنگ و مێژوويى بارزانى كردگه‌ له‌ كوردستان و عراق و ناوچه‌گه‌.

 

جى باسه‌، به‌ياننامه‌گه‌ هه‌ميش وت: هه‌ردوگلا باسيش له‌ پرووسه‌ى سياسى عراقى و ئاكام هه‌ڵوژاردنه‌يل ته‌شريعى و رۆڵ هه‌رێم كوردستان له‌ سه‌قامگيرى عراق كردنه‌و رووشناييش خستنه‌سه‌ بان ئه‌گه‌ره‌يل دامه‌زرانن حكومه‌ت ئاينده‌ له‌ عراق و جه‌ختيش له‌وه‌ كردنه‌ ك وه‌بى به‌شدارى كاراو راسكانى كورد هه‌وڵه‌يل ئه‌را دامه‌زرانن حكومه‌ت و دروسكردن حاڵه‌تيگ له‌ سه‌قامگيرى سه‌ركه‌فتگ نادێ.

Tu dikarî ev nûçe ji çavkaniya xwendin , shafaaq

عن مصدر الخبر

شفق نيوز

شفق نيوز

أضف تعليقـك