كوردى

هه‌ده‌په‌ په‌رله‌مانتاره‌ ده‌ستگیركراوه‌كانی كاندید ناكاته‌وه‌

باسنيوز Basnews
مصدر الخبر / باسنيوز Basnews

پارتی دیموكراتی گه‌لان هه‌ده‌په‌، خه‌ریكی ئاماده‌كارییه‌ تا لیستی كاندیدانی په‌رله‌مان راده‌ستی كۆمیسیۆنی باڵای هه‌ڵبژاردنه‌كان بكات بۆ هه‌ڵبژاردنی 24ی حوزه‌یران، به‌ڵام ئه‌و ئه‌ندام په‌رله‌مانانه‌ كاندید ناكاته‌وه‌ كه‌ ئێستە زیندانی كراون.

به‌ گوێره‌ی ئه‌و زانیارییانه‌ی كه‌وتوونه‌ته‌ ده‌ست رۆژنامه‌ی (جومهوریه‌ت)ـی توركی، هه‌ده‌په‌ گه‌یشتووه‌ته‌ ئه‌و بڕوایەی پێویست ناكات ئه‌و ئه‌ندام په‌رله‌مانانه‌ی زیندانی كراون كاندید بكاته‌وه‌، بۆ ئه‌مه‌ش له‌گه‌ڵ خودی ئه‌ندام په‌رله‌مانه‌ ده‌ستگیركراوه‌كاندا قسه‌یان كردووه‌، ئه‌وانیش پێیان باش بووه‌ كاندید نه‌كرێنه‌وه‌ و كه‌سی تر بخرێته‌ شوێنیان.

هه‌ریه‌ك له‌ ئیدریس بالوكان، چاغلار ده‌میرال و گولسه‌ر یڵدرم كه‌ هه‌رسێكیان ئه‌ندام په‌رله‌مانی هه‌ده‌په‌ن و ده‌ستگیر كراون، كاندید ناكرێنه‌وه‌.

جگه‌ له‌و 3 ئه‌ندام په‌رله‌مانه‌ش، هه‌ریه‌ك له‌ عوسمان بایده‌میر، ئیبراهیم ئایهان، ئه‌حمه‌د یڵدرم و باسیمه‌ كۆنجا به‌ فه‌رمانی دادگای توركیا ئه‌ندام په‌رله‌مانیان هه‌ڵپه‌سێردراوه‌، بۆیه‌ ناتوانرێت كاری سیاسی بكه‌ن و ئه‌وانیش له‌ناو لیستی هه‌ده‌په‌ نابن بۆ هه‌ڵبژاردنی 24_6_2018.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك