كوردى

برای كاندیدێكی ئاكپارتی لەنێو بازاڕێكی باكووری كوردستان كوژرا

باسنيوز Basnews
مصدر الخبر / باسنيوز Basnews

ئێوارەی ئەمڕۆ پێنجشەممە، لەنێو بازاڕێكی شارۆچكەی سروچ سەر بەشاری ئورفەی باكووری كوردستان، برایەكی ئیبراهیم خەلیل پەرلەمانتار و كاندیدی ئاكپارتی دەسەڵاتدار و دوو هاووڵاتی كوژران، ھەشت کەسیش بریندار بوون.

بەپێی زانیارییه‌كانی (باسنیوز)، لەو كاتەی پەرلەمانتار ئیبراھیم خەلیل یڵدز كاندیدی ئاكپارتی بۆ پەرلەمانی توركیا لەگەڵ لایەنگرانیدا خەریكی بانگەشەی هەڵبژاردن بوون، لەگەڵ خەڵكی بازاڕێكی سرووچ بووەتە دەمەقاڵێیان لەبارەی دەنگدانەوە، بەم هۆیەوە پێكدادان و تەقەكردن دروست بووە.

لە ئەنجامی تەقەكردنەكەدا، سێ كەس كوژراون، لەنێویاندا برایەكی ئیبراهیم خەلیل كاندیدی ئاكپارتی هەیە، دوو كەسەكەی تر هاووڵاتیانی سروچن و لەلایەن لایەنگرانی ئاكپارتییەوە كوژراون، هەروەها هەشت كەسیش بریندار بوون.

بەپێی سەرچاوەكەی (باسنیوز)، لەدوای ئەم شەڕ و تەقەكردنە، خەڵكی شارۆچكەكە وەكو تۆڵە هێرشیان كردووەتە سەر بارەگای ئاكپارتی لە سروچ، لە ئەنجامی هێرشەكەدا كاندیدەكەی ئاكپارتییش بریندار كراوە.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك