كوردى

شاخەوان عەبدوڵڵا: گرووپی خیانەتکاری 16ـی ئۆکتۆبەر دەڵاڵی بۆ حەشدی شەعبی دەکەن

باسنيوز Basnews
مصدر الخبر / باسنيوز Basnews

 

پەرلەمانتارێکی پارتی دیموکراتی کوردستان لە خولی پێشووی پەرلەمانی عێراق رایدەگەیەنێت، کە گرووپی خیانەتکاری 16ـی ئۆکتۆبەر، دەڵاڵی بۆ میلیشیاکانی حەشدی شەعبی دەکەن.

 

شاخەوان عەبدوڵڵا، پەرلەمانتاری خولی سێیەمی پەرلەمانی عێراق لە فراکسیۆنی پارتی دیموکراتی کوردستان، بە (باسنیوز)ی ڕاگەیاند، لەدوای خیانەتی 16ـی ئۆکتۆبەر و داگیرکردنی شاری کەرکوک لەلایەن سوپای عێراق و میلیشیاکانی حەشدی شەعبی، نەوتی ئەو شارە لەلایەن ئەو میلیشیایانەوە دەدزرێت.

 

شاخەوان عەبدوڵڵا هەروەها رایگەیاند، کە گرووپی خیانەتکاری 16ـی ئۆکتۆبەری یەکێتی هاوکاریی حەشدی شەعبی دەکات بۆ فرۆشتنی نەوتی دزراوی کەرکووک، ئەوان ”چەند بەرپرسی گرووپە خیانەتکارەکە لە کەرکوک رێگای دزینی نەوتەکە نیشانی حەشدی شەعبی دەکەن لە بەرامبەردا ئەو میلیشیایانە پارەی دەڵاڵییەکەیان پێ دەدەن“.

 

ئەو پەرلەمانتارەی خولی پێشووی پەرلەمانی عێراق ئاماژەی بەبێدەنگیی پەرلەمانتارە کوردە ”خۆفرۆشەکان“ کرد، کە لە پەرلەمانی عێراق بەردەوام دژی ئەوە بوون، نەوتی کەرکووک لەلایەن حکوومەتی هەرێمی کوردستانەوە بەڕێوە ببرێت لەکاتێکدا مانگانە 10 ملیۆن دۆلاری ئەو نەوتە بۆ کەرکووک خەرج دەکرا، بەڵام ”ئێستا داھاتی ئەو نەوتە دەچێتە گیرفانی میلیشیاکانەوە و ئەو پەرلەمانتارە خۆفرۆشانە یەک قسە لەسەر نەوتی کەرکوک ناکەن“.

 

شاخەوان عەبدوڵڵا پێی وایە ئەو پەرلەمانتارە کوردانەی باسی دزینی نەوتی کەرکووک لەلایەن میلیشیاکانەوە ناکەن، ”پێیان گوتراوە قسە نەکەن“.

 

ئەو پەرلەمانتارەی پارتی ئاماژەی بەوەش کردووە، کە گرووپی خیانەتکاری 16ـی ئۆکتۆبەر هەڕەشەیان لە  ”کەسە دڵسۆزەکانی ناو یەکێتی کردووە“، کە نابی هیچ زانیارییەک لەبارەی ئەو دەڵاڵییەیان بۆ حەشدی شەعبی، باس بکەن.

 

ڕۆژی 16ـی ئۆکتۆبەری 2017، کەرکووک کەوتە ژێر دەستی میلیشیاکانی حەشدی شەعبی و ھێزەکانی عێراق، دواتر ھەریەک لە کۆسرەت ڕەسوڵ عەلی، جێگری یەکەمی سکرتێری گشتیی یەکێتی و شێخ جەعفەر مستەفا، ئەندامی مەکتەبی سیاسی و فەرماندەی یەکەی 70ـی ھێزی پێشمەرگەی کوردستان، ئاشکرایان کرد، کە گرووپێکی نێو یەکێتیی نیشتمانیی کوردستان لەمەدا بەرپرسیارن و ڕێککەوتنی ژێربەژێریان لەگەڵ میلیشیاکانی حەشدی شەعبی و ھێزەکانی عێراق کردووە و بەو ھۆیەوە سەدان پێشمەرگە و ھاووڵاتی شەھید و بریندار بوون و نزیکەی 200 ھەزار کەسیش ئاوارە بوون.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك