كوردى

محەممەد کەمال: ئاگاداریی کاراکردنەوەی ئەنجوومەنی پارێزگای کەرکووک نین

قناة رووداو Rudaw
مصدر الخبر / قناة رووداو Rudaw

رووداو – هەولێر

ئەندامێکی ئەنجوومەنی پارێزگای کەرکووک بێئاگایی خۆی لە هەبوونی پڕۆژەیەک بۆ کاراکردنەوەی ئەنجوومەنی پارێزگاکە پیشاندەدات و دەڵێ، ئەگەر پڕۆژەیەکی وا هەبێت پێویستە بدرێتە لیستی برایەتی لە ئەنجوومەنی پارێزگای کەرکووک. گوتیشی: “ئەوەی دەڵێ حەشدی شەعبی لە کەرکووک نەماوە، با بڕوات سەرێک لە ماڵەکەی من بدات”.

محەممەد کەمال، ئەندامی ئەنجوومەنی پارێزگای کەرکووک، لە میانی بەشداریکردنی لە گەشتێکی هەواڵەکانی تۆڕی میدیایی رووداو، لەبارەی رووانینیان بۆ پڕۆژەکەی یەکێتی بۆ کاراکردنەوەی ئەنجوومەنی پارێزگای کەرکووک، رایگەیاند: “نە پڕۆژەکەمان بینیوە، نە ئاگامان لێیە، دەبوو ئەو پڕۆژەیە بدرابووایەتە ئەندامانی لیستی برایەتی ئەنجوومەنی پارێزگای کەرکووک، چونکە ئەوان دەتوانن پارێزگار دابنێن و بڕیار لەسەر دانانی پارێزگار بدەن”.

محەممەد کەمال، پێیوانییە کەرکووک پێویستی بە ئەنجوومەنی کاربەڕێکەر هەبێت و دەڵێ: “کەرکووک پێویستی بە پارێزگار و ئەکتیڤکردنەوەی ئەنجوومەن و گەڕانەوەی ئەندامانی ئەنجوومەنی پارێزگای کەرکووک هەیە، ئەویش دوای ئاساییبوونەوەی بارودۆخی کەرکووک، دوای ئەوەی دەسەڵاتی سەربازیی و ملیشیایی حەشدی شەعبی رادەستی دەسەڵاتی مەدەنی دەکرێت”.

ئەندامەکەی ئەنجوومەنی پارێزگای کەرکوک، پێیوایە هێشتا حەشدی شەعبی لە کەرکووک ماون و دەسەڵاتیان بەدەستەوەیەو دەڵێ: “ئەوەی دەڵێ حەشدی شەعبی لە کەرکووک نەماوە، با بڕوات سەرێک لە ماڵەکەی من بدات، کە ئەبوو یەعروبی تێدایە، کە بەرپرسی عەسائیبی ئەهل حەقە لە کەرکووک”.

محەممەد کەمال، دەشڵێ: “کەرکووک ئەوەندە بێ خاوەنە کەس نازانێت کێ بەڕێوەی دەبات، ملیتار و عەسکەر و حەشدی شەعبی لە کەرکووک حکوم دەکەن”.

محەممەد کەمال، ئاماژە بۆ ئەوە دەکات، کە ئەوان لەگەڵ ئاساییکردنەوەی دۆخی کەرکووکن “دەسەڵاتی سەربازی لەنێو شاردا نەمێنێت، عەسکەری بگەڕێتە بۆ مۆڵگە سەربازییەکانی خۆی، دەسەڵات رادەستی دەسەڵاتی مەدەنی بکرێت و ئەنجوومەنی پارێزگای کەرکووک ئیشوکارەکانی خۆی بە ئاسایی و یاسایی بکات، برایەتی و تەبایی لەنێوان پێکهاتەکانی کەرکووک بە کورد و عەرەب و تورکمان و کلدوئاشوورییەکان بەرقەرار بکرێت و کەسیش پەراوێز نەخرێت، ئەو بارەگا و ماڵانەشی داگیرکراون، رادەستی خاوەنەکانیان بکرێنەوە”.

پێداچوونەوە؛ عومەر شایان

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك