كوردى

دەستگیركردنی خۆپیشاندەران لە بەسرە دەستیپێكردووە

قناة رووداو Rudaw
مصدر الخبر / قناة رووداو Rudaw

رووداو-هەولێر

بەهۆی سووتاندنی بارەگای كۆنسوڵخانەی ئێران و ژمارەیەك دامەزراوەی حكومی و باڵەخانەكانی سەر بە پارت و بزووتنەوە سیاسییەكان لەلایەن خۆپیشاندەرانەوە، هەڵەمەتی دەستگیرکردنی خۆپیشاندەران دەستیپێکردووە و فەرماندەی نوێی پۆلیسیش بەڵێندەدات سەرپێچیكاران پانبكاتەوە.

یەكێك لە سەرپەرشتیارانی خۆپیشاندانەكانی بەسرە گوتی “بەهۆی ئەو گوشارانەی چالاكڤانان رووبەڕووی دەبنەوە ناڕەزاییەكان هەڵپەسێردراون، ژمارەیەكیش لەو كەسایەتییانەی سەرپەرشتی خۆپیشاندانەكانیان دەكرد لەلایەن هێزە ئەمنییەكانەوە هەڕەشەی دەستگیركردنیان لێكراوە، بەتاوانی بەشداریكردنیش لە سووتاندنی بارەگای کۆنسوڵخانەی ئێران و بارەگاكانی دیكە، ژمارەیەكی زۆری بەشداربووانی خۆپیشاندانەكان دەستگیركراون، هەروەها بەڵێننامەیان بەسەدان كەس واژۆكردووە كە بەشداریی لە هیچ گردبوونەویەكدا نەكەن”.

فەریق رەشید فلەییەح فەرماندەی نوێی پۆلیسی بەسرە گوتی “بەپێی پلانی فەرماندەیی ئۆپەراسیۆنەكان، دەستكراوە بە بڵاوكردنەوەی هێزی سەربازی بۆ پاراستنی شوێنە گرنگەكان، هەموو ئەو كەسانەش پان دەكەینەوە كە هەوڵی كوشتن یان وێرانكردنی ژێرخان و دەستكەوتەكانی پارێزگاكە دەدەن”.

گوتیشی “هێزەكان پارێزگاری لە خۆپیشاندانی ئاشتیانە دەكەن، بەڵام هەركەسێك كەرەستەیەكی برینداركاری لەلابێت یان هەوڵی وێرانكردنی باڵەخانەیەك بدات، ئەوە لە خۆپیشاندەرەوە دەگۆڕێ بۆ تاوانبار، هەموو شێوازێكیش دەگرینەبەر بۆ بەرگریكردن لە خۆمان و بارەگاكانمان”.

جگە لە هێزە ئەمنییەكان كۆمەڵێك گرووپی چەكداری سەربە حەشدی شەعبیش لە شەقامەكانی پارێزگای بەسرە بڵاوكراونەتەوە، غانم حەمید ئەندامی ئەنجوومەنی پارێزگای بەسرە لەمبارەوە گوتی “گرووپەكانی حەشد و بەرگری ئیسلامی لە پاراستنی ئاسایشی بەسرە و لەباربردنی پیلان لەسەر پارێزگاكە بەشدارن”.

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك