كوردى

بەوێنە.. شەڕکەرێکی بەریتانیی یەپەگە بە حەوت ساڵ زیندانیکردن سزا درا

باسنيوز Basnews
مصدر الخبر / باسنيوز Basnews

 

شەڕکەرێکی بەریتانیی یەکینەکانی پاراستنی گەل (یەپەگە)ی باڵی سەربازیی پارتی کرێکارانی کوردستان (پەکەکە) لە رۆژئاوای کوردستان، بە حەوت ساڵ زیندانیکردن، سزا درا.

 

دادگای شاری ئایدن لە رۆژئاوای تورکیا جۆ رۆبنسۆن، شەڕکەری پێشووی یەپەگەی بە ”ئەندامبوون لە رێکخراوێکی تیرۆریستی“ تۆمەتبار کرد و سزای حەوت ساڵ و شەش مانگ زیندانیکردنی بەسەردا سەپاند.

 

جۆ رۆبنسۆن هاووڵاتییەکی تەمەن 25 ساڵیی بەریتانییە. لە ساڵی 2012 خزمەتی سەربازیی وڵاتەکەی لە ئەفغانستان ئەنجام داوە و لە ساڵی 2015ش چووەتە رۆژئاوای کوردستان و لە بەشی فریاگوزاریی یەپەگە بەشداریی شەڕی دژی رێکخراوی تیرۆریستی داعشی کردووە.

 

جگە لە سەپاندنی ئەو سزایە بەسەر رۆبنسۆن، دادگا تورکییەکە بەشێوەی ئامادەنەبوون (غیابی) سزای دوو ساڵ زیندانیکردنی بەسەر کچە دەستگیرانەکەیشی دا سەپاندووە، کە هاووڵاتیەکی بولگارییە و ئێستا لە بەریتانیا دەژی.

 

جۆ رۆبنسۆن لە ساڵی 2017 لە تورکیا دەستگیر کرا، دوای ئەوەی وێنەیەکی خۆی بە جلی سەربازیی یەپەگە لە تۆڕە کۆمەڵایەتییەکان بڵاو کردەوە، بەڵام بە کەفالەت ئازاد کرا و لە دانیشتنەکەی دادگاش بەهۆی خراپیی باری تەندروستییەوە، ئامادە نەبوو.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك