كوردى

نایف سه‌یدۆ: ئیدارا نه‌شه‌رعى ل سنۆنێ ده‌ستهه‌لاتا ئیمزا كرنا نڤیساران نه‌مایه‌

باسنيوز Basnews
مصدر الخبر / باسنيوز Basnews

 

رێڤه‌به‌رێ شه‌رعی یێ ناحیا سنۆنێ دیاركركو رێڤه‌به‌رێ نه‌ شه‌رعی یێ حه‌شدا شه‌عبى ل سنۆنێ بۆ ناحیا سنۆنێ دانای، بتنێ نۆكه‌ هه‌یكه‌ل مایه‌ وچوو ده‌ستهه‌لات د ده‌ستى دا نه‌مایه‌ بۆ ئیمزا كرنا نڤیسارین فه‌رمی.

 

نایف سه‌یدۆ، رێڤه‌به‌رێ شه‌رعی یێ ناحیا سنۆنێ بۆ (باسنیوز) دیاركر: “نۆكه‌ نڤیسارێن رێڤه‌به‌ریا ئاڤێ و كاره‌بێ وباژێرڤانیێ هه‌تا نه‌خۆشخانێ ژى نابیت بهێته‌ ئیمزاكرن ژلایێ ئیدارا نه‌شه‌رعی یا حه‌شدا شه‌عبى ل سنۆنێ، چونكو ئیدارا پارێزگه‌ها مووسل دانپێدانێ ب ئیمزا و نڤیسیارێن وان ناكه‌ت. بتنێ نۆكه‌ ل سنۆنێ نڤیسار دهێنه‌ ئیمزاكرن ژلایێ ئیدارا شه‌رعی یا سنۆنێ ڤه.‌ ئه‌م ل دۆمیز سه‌ر پارێزگه‌ها دهۆكێ ڤه‌ ده‌وامێ دكه‌ن، هه‌ر ده‌مێ دام وده‌زگه‌هێن حكومى ل سنۆنێ پێدڤى ب ئیمزایا ناحیێ بن بۆ پارێزگه‌ها مووسل قه‌ستا مه‌ دكه‌ن ئه‌م كاروبارێن وان رێڤه‌دبه‌ن وهه‌موو نڤیسارێن فه‌رم ئیمزا دكه‌ن”.

 

خویا ژى كر: “ئیدارا پارێزگه‌ها مووسل ب هیچ شیوه‌یه‌كێ نۆكه‌ وان نڤیسیاران رێڤه‌نابه‌ت یێن ژلایێ ئیدارا نه‌شه‌رعی یا سنۆنێ ڤه‌ دهێنه‌بلندكرن بۆ مووسلێ. ب هه‌ر شیوه‌یێ هه‌بیت پێدڤیه‌ ئیدارا شه‌رعی یا سنۆنێ ئێمزا بكه‌ت وپاشى مووسل رێڤه‌دبه‌ت “.

 

ئاشكرا كر: “ئه‌و خه‌لكێ ڤه‌گه‌ریاینه‌ سنۆنێ گه‌له‌ك جاران داخاز ژ مه‌ كرینه‌ پێشمه‌رگه‌ه ڤه‌گه‌رته‌ ده‌ڤه‌رێ و ئیدارا هه‌ڤپشك بهێته‌ دروستكرن. ئه‌م چاڤه‌رێ بریارا حكومه‌تا هه‌رێما كوردستانێ نه‌ بۆ زڤرینا سنۆنێ”.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك