كوردى

لایەنە سیاسییەکان لە بانگەشەکانیاندا بەڵێنی کەمکردنەوەی بێکاری دەدەن

قناة رووداو Rudaw
مصدر الخبر / قناة رووداو Rudaw

رووداو – هەولێر

دابینکردنی هەلی کار، یەکێكە لە ستراتیژە گرنگەکانی حکومەتی هەرێمی کوردستان، کە بەردەوام جەختی لێدەکاتەوە و کاریشی لەسەر دەکات، ئەو پارتانەش کە بەشداری لە هەڵبژاردنی خوولی پێنجەمی پەرلەمان دەکەن، بەرنامەی تایبەتیان هەیە بۆ کەمکردنەوەی بێکاری و دەستخستنی هەلی کار.

زانیارییەکانی تایبەت بە راپۆرتی رووپێوی دیمۆگرافی کە لەلایەن حکومەتی هەرێمی کوردستان بە هاوکاری رێکخراوی ئای ئۆ ئێم و نەتەوە یەکگرتووەکان ئەنجامدراوە دەریدەخەن: 

– قەبارەی یەک خێزانی کورد لە 5.1 کەس پێکهاتووە.
-%87ـی خێزانەکانی هەرێمی کوردستان داهاتی مانگانەیان لە یەک ملیۆن دینار کەمترە.
– لە هەرێمی کوردستان 35%ـی دانیشتووانی تەمەنیان لە خوار 15 ساڵییە.
– 4%ـی دانیشتووان تەمەنیان لەسەرووی 64 ساڵییەوەیە.
– 20%ـی ئەو کەسانەی تەمەنیان لەنێوان 18 بۆ 34 ساڵدایە، هیوایان بە دۆزینەوەی کار لەدەستداوە.
– 80%ـی دانیشتووانی هەرێمی کوردستان خوێندەوارن 
– 90%ـی خێزانەکان لەلایەن پیاوانەوە دەژیێنرێن

سیروان محەممەد، سەرۆکی دەستەی ئاماری هەرێمی کوردستان بە رووداوی راگەیاند “رێژەی بێکاری لە هەرێمی کوردستان لە کۆتایی ساڵی 2017، لەسەدا 10.2ـی تۆمار کردووە”.

هەڵمەتی هەڵبژاردنی خولی پێنجەمی پەرلەمانی کوردستان بەردەوامە و پارت و لایەنە سیاسییەکان جەخت لەسەر رەخساندنی هەلی کار بۆ چین و توێژە جیاجیاکانی هەرێمی کوردستان دەکەنەوە.

پارتی دیموکراتی کوردستان بەڵێنیداوە بە هاندانـی سـەرمایەگوزاریی نێوخـۆ هاوشـانی سـەرمایەگوزاریی دەرەکـی و قۆسـتنەوەی هەمـوو بـوار و دەرفەتـەکان بـۆ بووژاندنـەوەی بـازاڕ و رەخسـاندنی دەرفـەت و هەلـی کاری یەکسـان بـۆ گەنجـان و دەرچووانـی زانکـۆ.

یەکێتی نیشتمانی کوردستان لە هەڵمەتی هەڵبژاردنەکەیدا درووشمی بۆ ئارامی، هەلی کار و خزمەتی بەرزکردووەتەوە.

بزووتنەوەی گۆڕان لە بەرنامەکەیدا رایگەیاندووە: هاندانی سەرمایەگوزاریی دەرەكی بەجۆرێك لە بەرژەوەندی ستراتیژیی هەرێمدا بێت بە مەبەستی گواستنەوەی شاره‌زایی و نەهێشتنی بێکاری و رەخساندنی هەلی کار.

30ی مانگی ئەیلوولی ئەمساڵ، دەرگاکانی بنکەکانی دەنگدان تایبەت بە هەڵبژاردنی خولی پێنجەمی پەرلەمانی کوردستان بەڕووی دەنگدەراندا دەکرێنەوە، لەلایەک پارتەکان بە بەڵێنەکانیان بەهیوای بەدەستهێنانی دەنگی زیاترن، لەبەرامبەریشدا خەڵک هیوایان هەیە پارتە براوەکانی نێو پەرلەمانی ئەمجارەی کوردستان، لەئاست بەڵینەکانی خۆیاندا بن.

 

 

پێداچوونەوە: هەڵات رێبوار

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك