كوردى

مێسی نایه‌وێ ڤالڤێردی پشت به‌ دێمبێڵی ببه‌ستێت

قناة رووداو Rudaw
مصدر الخبر / قناة رووداو Rudaw

لیۆنێل مێسی، ئه‌ستێره‌ی ئه‌رجه‌نتینی یانه‌ی بارسێلۆنای ئیسپانی، بۆ یاری یانه‌كه‌ی له‌ گه‌ڕی دووه‌می چامپیۆنزلیگدا له‌ به‌رامبه‌ر تۆتێنهامی ئینگلیزیدا نه‌یهێشتووه‌ عوسمان دێمبێڵی یاریزانی فه‌ه‌رنسی یاری بكات و وایكردووه‌ راهێنه‌ر به‌ پلانی 4 ـ 2 ـ 2 یاری بكات.

لیۆنێل مێسی، نه‌ك هه‌ر له‌نێو یاریگه‌دا رۆڵی بینی له‌ بردنه‌وه‌ گه‌وره‌كه‌ی بارسا به‌سه‌ر تۆتێنهامدا، كه‌ 2 گۆڵی تۆماركرد و به‌شداری له‌ تۆماركردنی دوو گۆڵه‌كه‌ی دیكه‌شدا هه‌بوو، به‌ڵكو وه‌ك هه‌ندێ له‌ راپۆرته‌ رۆژنامه‌ڤانییه‌كانی ئیسپانیا باسی ده‌كه‌ن، مێسی به‌ر له‌ یارییه‌كه‌ش ده‌ستی هه‌بووه‌ له‌ دانانی پێكهاته‌ی بارسا و پلانی یاریكردن. ئه‌و سه‌رچاوانه‌ ده‌ڵێن “مێسی داوای له‌ راهێنه‌ره‌ ئیسپانییه‌كه‌ی ئێرنستۆ ڤالڤێردی كرد، هاوتیپه‌كه‌ی عوسمان دێمبێڵی له‌ پێكهاته‌ی سه‌ره‌كیی یانه‌كه‌ دووربخاته‌وه‌و به‌ شێوازی 4 ـ 4 ـ 2 یاری بكات”. 

بارسێلۆنا به‌بێ یاریزانی فه‌ره‌نسی عوسمان دێمبێڵی یاریكرد، ڤالڤێردیش پلانی یاریكردنی گۆڕی و به‌ پلانی 4 ـ 4 ـ 2 یاریكرد، ئه‌وه‌ش بژارده‌ی زۆری به‌ تیپه‌كه‌ به‌خشی. ته‌نانه‌ت له‌ دوای ئه‌و یارییه‌ ڤالڤێردی له‌ یاری ڤالێنسیاش له‌ لالیگادا پشتی به‌ دێمبێڵی نه‌به‌ست و ته‌نیا له‌ 5 خوله‌كی كۆتاییدا یاری پێكرد.

ئه‌و سه‌رچاوانه‌ دووپاتی ده‌كه‌نه‌وه‌ كه‌ شێوازی بارسا به‌ پلانی 4 ـ 4 ـ 2 و به‌بێ دێمبێڵی، به‌ قسه‌ و به‌ دڵی مێسی بوو له‌ یاری تۆتێنهامی ئینگلیزی، كه‌ بارسا یارییه‌كی باشی كرد و به‌ئه‌نجامی 4 ـ 2 گۆڵ یارییه‌كه‌ی برده‌وه‌، له‌سه‌ر یاریگه‌ی ویمبلی له‌ له‌نده‌نی پایته‌ختی به‌ریتانیا. 

ئه‌و سه‌رچاوانه‌ باس له‌وه‌ش ده‌كه‌ن كه‌ مێسی پێیوایه‌، پێویست ناكات ڤالڤێردی ئه‌وه‌نده‌ یاری به‌ دێمبێڵی بكات، بۆ پارێزگاریكردن له‌ هه‌مان شێوازی یاریكردن له‌ ماوه‌ی داهاتوودا، به‌تایبه‌تیش له‌ یارییه‌ زه‌حمه‌ته‌كاندا، به‌ڵام ده‌شڵێن “راهێنه‌ر به‌نیاز نییه‌ واز له‌ دێمبێڵی بینێت، تاوه‌كو باشترین ئاستی له‌گه‌ڵ تیپه‌كه‌ به‌ده‌ست نه‌هێنێته‌وه‌، دوای ئه‌وه‌ی له‌ سه‌ره‌تای وه‌رزه‌وه‌، ئاستێكی به‌رچاوی پێشكه‌ش كرد”.

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك