كوردى

باعەدرێ.. چار رۆژە كچەكا كوردا ئێزدی بەرزەیە

باسنيوز Basnews
مصدر الخبر / باسنيوز Basnews

كچەكا كوردا ئێزدی بو دەمێ‌ (4) رۆژانە بێ‌ سەرۆشوین و بەرزەیە و هەتا نها نە خێزان و نە پولیس چ ژ چارەنڤیسێ‌ وێ‌ نزانن، خێزانا وێ‌ ب رێكا (باسنیوز) دخازن خەلك دگەل وان هاریكار بیت.

 

فەیسەل دەخیل مامێ‌ وێ‌ كچا بەرزە بوی بو (باسنیوز) گوت: ل رۆژا (چارشەمبیا بوری) ل رێكەفتی 10/10/2018 برازایا من ب ناڤێ‌ (نەجلا جەلال دەخیل) د ژیێ‌ (16) سالیێ‌ دا یە و خەلكا شنگال و ئاوارەیا كەمپا (ئێسیا) ل سنورێ‌ (باعەدرێ‌) یە و ئێڤاریا رۆژا (4) شەمبی بەرزە بویە و هەتا نها مە چ پێزانین ل سەر رەوشا وێ‌ نینن كو ساخ یان مری بیت.

 

مامێ‌ وێ‌ كچا بەرزە بوی ئەو چەندە ژی بو (باسنیوز) گوت: برازیا من چ ئاریشێن دەرونی نینن و ل رۆژا سێ‌ شەمبی قەستا شنگالێ‌ كربو و ل دەمێ‌ زڤری قەستا كەمپا (ئێسیا) كریە و هەر ل وێ‌ رۆژێ‌ دناڤبەرا دەمژمێر (12 شەڤ تا 6سپێدێ‌) ژ كەمپێ‌ هاتیە رەڤاندن و هەتا نها بێ‌ سەرۆ شوینە.

 

ناڤبری ئەو چەندە دوپات كر: هەتا نها مە چ پێزانین ل سەر چارەنڤیسێ‌ وێ‌ نینن و ئەم نزانین ئەو ساخە یان مریە و مە داخاز ژ پولیسان كریە هاریكار بن بو دیتنا كچا مە.

 

مامێ‌ كچا بەرزە بوی بو (باسنیوز) نەڤەشارت: مە چ ئاریشە دگەل كەسێ‌ نینن و ئەم كەسێ‌ تومەتبار ناكەین بتنێ‌ ب رێكا (باسنیوز) ئەم دخازین جهێن پەیوەندیدار و هەمی خەلكێ‌ دەڤەرێ‌ دگەل مە د هاریكار بن هەر پێزانینەكا ل سەر هەبیت مە ئاگەهدار بكەن.

 

ل دور هەمان بابەتی، (باسنیوز) پەیوەندی رێڤەبەریا گشتی یا پولیسێن پارێزگەها دهوكێ‌ كر، لێ‌ بەرپرسێ‌ راگەهاندنا رێڤەبەریا پولیسان دیار كر: دبیت وێ‌ خێزانێ‌ پولیسێن دەڤەرا (باعەدرێ‌) ئاگەهدار كربن لێ‌ سەر وێ‌ رویدانێ‌ لەورا تا ڤێ‌ خولەكێ‌ چ پێزانین مە ل سەر بەرزەبونا وێ‌ كچێ‌ نینن و هیڤیخوازین هەر كەسەك پێزانینەك ل سەر هەبیت بلا مە وەك پولیس ئاگەهدار بكەت تاكو خێزانا وێ‌ ب هەر پێزانینەكێ‌ دلشاد بكەین.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك