كوردى

هەپەگە کوژرانی سێ سەربازی تورکیای لە ئاگری راگەیاند

قناة رووداو Rudaw
مصدر الخبر / قناة رووداو Rudaw

هەوار ئیسماعیل و سەرباز سیامەند


رووداو – هەولێر

هێزەکانی پاراستنی گەل (هەپەگە) کوژرانی سێ سەربازی تورکیای لە ئاگری باکووری کوردستان راگەیاند. سوپای تورکیاش دەڵێت “لە هێرشێکی ئاسمانیدا لە زاپ شەش گەریلا کوژراون”.

ناوەندی راگەیاندنی هەگەپە دەڵێت، لە ناوچەی بازیدی سەر بە ئاگر شەڕ و پێکدادان لەنێوان گەریلا و سوپای تورکیا روویدا. شەڕەکە لەکاتێکدا روویداوە کە سوپای تورکیا ئۆپەراسیۆنێکیان لە ناوچەکە دەستپێکردبوو، “لە ئەنجامدا لانیکەم سێ سەربازی تورکیا کوژراون و ژمارەیەکیشیان برینداربوون”.

هەپەگە دەشڵێت گەریلاکانمان دوێنێ لەسەر گردی لەیەکی سەر بە شەمزینانی جولەمێرگ چالاکییەکی بەقەناسیان ئەنجامدا، لەو چالاکییەدا سەربازێک کوژرا و یەکێکی دیکەش برینداربوو”.

بۆردوومانی زاپ

بەڵام بەپێی راگەیێندراوێکی سوپای تورکیا، لە هێرشێکی ئاسمانیدا لە ناوچەی زاپ لە باشووری کوردستان، شەش گەریلای پەکەکە گیانیانلەدەستداوە. 

لەبارەی ئەو بۆردوومانە، هەپەگە رایگەیاندووە “دوێنێ کاژێر 08:45 خولەکی شەو فڕۆکە جەنگییەکانی سوپای تورک چیای رەشی سەر بە زاپی هەرێمەکانی پاراستنی مەدیایان بۆردوومانکرد”.

برینداربوونی 12 سەرباز لە شرناخ

لە رووداوێکی دیکەدا هەر لە باکووری کوردستان، لە ئەنجامی وەرگەڕانی ئۆتۆمبێلێکی سەربازی، لەسەر رێگەی سەرەکی شرناخ-جزیرە 12 سەربازی سوپای تورکیا برینداربوون. 

بەگوێرەی میدیاکانی تورکیا، رووداوەکە شەوی رابردوو روویداوە و ئۆتۆمبێلە سەربازییەکە وەرگەڕاوە، بەڵام هۆکاری وەرگەڕانەکەی نەزانراوە.

 زیندانیکردنی 15 کەس بە تۆمەتی ئەندامبوون لە پەکەکە

لە ئۆپەراسیۆنێکی هێزە ئەمنییەکانی تورکیاش لە پارێزگای وان 40 کەس  بە تۆمەتی ئەندامبوون لە پەکەکە دەستبەسەرکران، لەو ژمارەیە 15 کەس خرانە زیندانەوە.

ئۆپەراسیۆنەکە لە رۆژانی 11 و 12ی ئەم مانگە لە چەند ناوچەیەک ئەنجامدراوە، هێز ئەمنییەکان هەڵیانکوتاوەتەسەر چەند ناونیشانێك و 40 کەسیان دەستبەسەرکردوون. پاش ئەنجامدانی رێکاری یاسایی لەو 40 کەسەی 15ـیان لەلایەن دادگای شارەکەوە بڕیاری زیندانیکردنیان بەسەردا سەپێندراوە، کە سێ کەسیان موختارن. 

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك