كوردى

روژ بین كزل: تورك و عه‌ره‌ب سترانێن كوردى ددزن و وه‌ردگێرنه‌ سه‌ر زمانێ خوه‌

باسنيوز Basnews
مصدر الخبر / باسنيوز Basnews

 

هونه‌رمه‌ندا كچا باژێرێ ئامه‌دا باكورێ كوردستانێ روژبین كزل كو نوكه‌ ل ئه‌لمانیا دژیت به‌رده‌وامیێ ب كارێن خوه‌ یێ، هونه‌رى دده‌ت چه‌ند به‌رهه‌م تومارو به‌لاڤكرینه‌ و به‌حسێ دوماهیك به‌رهه‌مێ خوه‌ دكه‌ت.

 

هونه‌رمه‌ند روژبین كزل، بۆ (باسنیوز) راگه‌هاند: ”ل ژیێ نه‌هـ سالیێدا من ده‌ستبكارێ هونه‌ریكر ل ژیێ ده‌هـ سالیێ بۆ جارا ئێكێ لسه‌ر ته‌ختَى شانویێ ده‌ركه‌تم ، بۆ ده‌مێ پێنچ سالا من خوه‌ فێرى ئامێرێن موزیكژه‌نیێ كر تایبه‌ت سازێ ، من به‌رهه‌مه‌ك هه‌یه‌ وه‌ك سیدى و ده‌ه كلیپێن پروفیشنال ل گه‌ل شێست كلیپێن ل سوشیال میدیاى و كه‌نالێن راگه‌هاندنێ دهێنه‌ به‌لاڤكرن پرانیا كلیپ و سترانێن من  ژ په‌یڤ و ئاوازێن من ب خوه‌ نه“.

 

روژبین گوتژى: ”ئه‌و سترانێن من توماركرى و به‌لاڤكرى پرانیا وان لسه‌ر شوره‌شگێرى و ئه‌ڤینێى نه‌ لسه‌ر كوردایه‌تیى و كوردستانێ ژى من ستران گوتینه‌ ، ل ناڤ جڤاكا كوردى دا ده‌ركه‌تن بۆ كچا كورد یا ب ساناهى نینه‌ ، ژبه‌ركو هێشتا كوردستان نه‌بۆیه‌ ده‌وله‌ت هونه‌ر و سترانا كوردى ژى لبن بارگرانیه‌كێ دایه‌ ، تورك و عه‌ره‌ب گه‌له‌ك سترانێن كوردى ددزن و وه‌ردگێرنه‌ سه‌ر زمانێ خوه‌ و پشته‌ڤانى ژى ژبۆى هونه‌رمه‌ندێن كورد نه‌ ل ئاستێ پێدڤیه‌ هونه‌ر ب مه‌رجێن زه‌حمه‌تدا ده‌ربازدبیت“.

 

كزل ئاشكراكر: ”هونه‌رمه‌ندێن سترانبێژێن كورد ژبۆى ب ده‌ست ڤه‌ئینانا ئابوریه‌كێ به‌رامبه‌ر سترانێ دچن ده‌هواتا و یانێن شه‌ڤانه‌ ، دروستكرنا كلیپ و به‌رهه‌ما گه‌له‌ك زه‌حمه‌ته‌ ئابوریه‌كێ باش ژى دڤێت ، ل ده‌ستپێكێ هه‌تا نوكه‌ پشته‌ڤانێ من بابێ من و مالباتا من بۆیه‌، ده‌مه‌كه‌ دخوازم ل پرانیا باژێرێن كوردستانێ كونسێرتا سازبكه‌م به‌لێ ئه‌و ده‌لیڤه‌ چێنه‌بۆیه‌ ،نوكه‌ كار لسه‌ر هنده‌ك به‌رهه‌مێن نو دكه‌م دخوازم بكه‌م كلیپ و به‌لاڤكه‌م“.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك