كوردى

هەڵبژاردنی پەرلەمان لە هەرێمی باڤاریای ئەڵمانیا بەڕێوەدەچێت

قناة رووداو Rudaw
مصدر الخبر / قناة رووداو Rudaw

 

رووداو – باڤاریا

بڕیارە رۆژی یەکشەممە 14-10-2018 خەڵکی هەرێمی باڤاریای ئەڵمانیا بەشداری لە هەڵبژاردنی 18ـەیەمین خولی پەرلەمانی ئەو هەرێمە بکەن.

پێنج پارتی سەرەکی، رکابەری لەسەر 180 کورسی پەرلەمانی دەکەن کە دەکەوێتە نێو باڵەخانەی ماکسیمیلانیۆم لە شاری میونشن، تێیدا یەکێتیی سۆسیال مەسیحیی باڤاریا ماوەی چەندین ساڵە، پارتی یەکەمی هەرێمەکەیە و زۆرینەی کورسییەکانی پەرلەمانی بەدەستەوەیە.

جگە لە یەکێتیی سۆسیال مەسیحیی باڤاریا، هاوپەیمانیی 90 / سەوزەکان، پارتی جێگرەوە بۆ ئەڵمانیا، پارتی دەنگدەرانی ئازادی باڤاریا، پارتی سۆسیال دیموکراتی ئەڵمانیا و پارتی دیموکراتیی ئازادی ئەڵمانیا بەشداری هەڵبژاردنەکان دەکەن.

گولسه‌رن ده‌میرێل، به‌ربژێرێكی كوردی‌ خه‌ڵكی باكووری كوردستانه‌ و  له‌سه‌ر لیستی پارتی سه‌وزه‌كان خۆی بەربژێركردووه‌. ئەو بە درووشمی “ئێمه‌ پێویستمان به‌ باڤاریایه‌كی ره‌نگاو ره‌نگه‌” به‌ زمانەکانی كوردی و ئه‌ڵمانی باسی پرۆگرامی پارته‌كه‌ی بۆ ده‌نگده‌ران ده‌كات. 

لەدوای ئەو شکستەی کە رووبەڕووی یەکێتیی سۆسیال مەسیحیی باڤاریا لە هەڵبژاردنەکەی پایزی ساڵی 2017 بووەوە، راپرسییەکان پیشانیدەدەن کە ئەگەری ئەوە هەیە یەکێتیی سۆسیال مەسیحیی باڤاریا زۆرینەی نێو پەرلەمان لەدەستبدات.

بەگوێرەی دوایین راپرسی، پێشبینیدەکرێت یەکێتیی سۆسیال مەسیحیی باڤاریا لە 32.9%ی دەنگەکان بەدەستبهێنێت، هاوپەیمانی سەوزەکان لە 18.5%ی لە پلەی دووەمدا دێت و پارتی جێگرەوە بۆ ئەڵمانیا لە 12.8%ی دەنگەکان دەستەبەردەکات و لە پلەی سێیەمدا دێت.

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك