كوردى

دلاوەر ئاژگەیی: ستراتیژی نوێی یەکێتیی ئەورووپا لە سوودی هەرێمی کوردستانە

باسنيوز Basnews
مصدر الخبر / باسنيوز Basnews

نوێنەری حکوومەتی هەرێمی کوردستان لە یەکێتیی ئەورووپا ڕایگەیاند ئەورووپا دەخوازێت هەرێمی کوردستان بەهێز بێت، ستراتیژی نوێی یەكێتییەكەش لە سوودی هەرێمی كوردستانە.

دلاوەر ئاژگەیی نوێنەری حکوومەتی هەرێمی کوردستان لە یەکێتیی ئەورووپا بەماڵپەڕی فەرمیی (پارتی دیموکراتی کوردستان)ی راگەیاند ماوەی 15 ڕۆژ دەبێت چەندین گفتوگۆیان لەگەڵ باڵوێزانی ئەندامی یەکێتیی ئەورووپا کردووە. لە بەرنامەشیاندایە لەگەڵ ئەو باڵوێزانەی ماویشن حەفتەی داهاتوو کۆبوونەوە بكەن.

ئاژگەیی گوتی داوایان کردووە وڵاتانی ئەندامی یەکێتیی ئەورووپا ڕۆڵێکی گرنگ بۆ چارەکردنی کێشەکانی نێوان هەرێم و بەغدا ببینن، کە فشار بخرێتە سەر بەغدا بۆ ئەوەی ئەو هەڵانەی پێشتر بەرامبەر هەرێمی کوردستان کردوونی، دووبارە نەبنەوە و دەستووری عێراق جێبەجێ بکرێت”.

نوێنەرەكەی هەرێمی كوردستان ستراتیژە نوێیەکەی یەکێتیی ئەورووپا لەسەر بارودۆخی عێراق بەسوودی هەرێمی کوردستان دەزانێ، بەو پێیەی لەلایەن هەر 28 وڵاتەکەی ئەندامی ئەو یەکێتییەوە داڕێژراوە، لەبەر ئەوەی سەرجەمی خاڵە ناکۆکی و دەستوورییەکانی چارەکردنی بارودۆخی عێراق و هەرێمی تێدا نووسراون، کە دەبێت بەپێی دەستوور سەرجەم کێشەکان چارەسەر بکرێن و دەشڵێ “هەر لەو ستراتیژییە نوێیەدا هاتووە، کە دەبێ سەرجەمی خاڵە دەستوورییەکان جێبەجێ بکرێن، نەک تەنیا ئەو خاڵە و مادەیەی کە حکوومەتی عێراق دەیەوێت جێبەجێی بکات”.

دلاوەر ئاژگەیی ئاماژەی بۆ ئەوە کرد كە چەند مانگێکە یەکێتیی ئەورووپا ستراتیژیی نوێی خۆی سەبارەت بەعێراق ڕاگەیاندووە و دەشڵێ پرسیاریان لە باڵوێزانی ئەندامی ئەو یەکێتییە کردووە، سەبارەت بەوادەی دەستبەکاربوونی، لە وەڵامدا بەنوێنەری حکوومەتی هەرێمی کوردستانیان ڕاگەیاندووە کاتێ کابینەی نوێی حکوومەتی عێراق بەتەواوی پێکهات، ئەوکات باڵوێزەکانیان لە بەغدا پێکەوە کۆبوونەوەیەکی هاوبەش لەگەڵ حکوومەتی عێراق دەکەن، هاوکات بۆی هەیە کۆبوونەوەیەک لەگەڵ حکوومەتی هەرێمی کوردستانیش بکەن، ئەوەش لە پێناو ئەوەی ئەوان چۆن بتوانن ئەو ستراتیژییە نوێیەیان بۆ چارەکردنی کێشەکان باس بکەن و کاریگەرییان هەبێت.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك