كوردى

پیلانی تیرۆرکردنی سەرۆکی فەرەنسا ئاشکرا بوو

باسنيوز Basnews
مصدر الخبر / باسنيوز Basnews

  

 

پۆلیسی فەرەنسا پیلانی تیرۆرکرنی سەرۆکی ئەو وڵاتە ئاشکرا دەکات.

 

رۆژی 6/11/2018، پۆلیسی فەرەنسی شەش کەسی لە سێ ناوچەی جیاوازی وڵاتەکە، بە تۆمەتی پیلاندانان بۆ تیرۆرکردنی ئیمانوێڵ ماکرۆنی سەرۆکی فەرەنسا، دەستگیر کرد.

 

ئەمڕۆ شەممە 10/11/2018، میدیاکانی فەرەنسا لەزاری بەرپرسانی پۆلیسی وڵاتەکەیان بڵاویان کردەوە، کە ئەو شەش کەسە دەستگریکراوە دانیان بە پیلانگێڕییەکەدا ناوە.

 

هەروەک ئەو میدیایانە باسیان کردووە، ئەو شەش کەسە پیلانی ئەوەیان داناوە، لە رێوڕەسمەکانی یادکردنەوەی 100 ساڵەی کۆتایی هاتنی جەنگی جیهانیی یەکەم، بە چەقۆ هەوڵی کوشتنی ئیمانوێڵ ماکرۆن بدەن.

 

هەروەک پۆلیسی فەرەنسا رایگەیاندووە، جان بیر، سەرمایەداری فەرەنسی (تەمەن 62 ساڵ) سەرۆکایەتیی ئەو گرووپەی بۆ تیرۆرکردنی سەرۆکی وڵاتەکەی، کردووە.

 

جەنگی جیهانیی یەکەم لە 28ـی 7ـی 1914 دروست بوو و تا 11ـی مانگی 11ـی 1918 بەردەوام بوو.

 

لەو جەنگەدا، کە تێیدا دوور بەرەی هاوپەیمانان و وڵاتان شەڕیان دژی یەکتر کرد، زیاتر لە 38 ملیۆن و 880 هەزار سەرباز کوژران، برینداربوون و شوێنبزر بوون.

 

شەڕکەرەکان:

 

– هاوپەیمانان

لە چەند وڵاتێک و ئیمپراتۆرییەتێک پێکهاتبوو. فەرەنسا، بەریتانیا، ئوسترالیا، کەنەدا، هیندستان، نیوزیلەندا، باشووری ئەفریقیا، رووسیا، ئیتاڵیا، ئەمریکا، یابان، سڕبیا، بەلجیکا، یۆنان، پورتوگال و چەند وڵاتێکی دیکە.

 

– بەرەی دووەم

ئەڵمانیا، شانشینی باڤاریا، پروسیا، نەمسا، بولگاریا و ئیمپراتۆریەتی عوسمانی (تورکیای ئێستا).

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك