اخبار العراق الان

"عين العراق" ترصد أبرز التعليقات الساخرة بعد "عطر" باسم الكربلائي

عين العراق نيوز
مصدر الخبر / عين العراق نيوز

بغداد/.. تداول ناشطون ومدونون على مواقع التواصل الاجتماعي، خبراً يفيد باطلاق عطر جديد يعود امتيازه للمنشد العراقي باسم الكربلائي، وسخر بعض المدونين من طريقة طرح المنتج الجديد، وسعره الذي يقارب 110 دولار امريكي للزجاجة الواحدة من العطر.

وقالت نغم الفنجان، في تدوينة على "فيسبوك"، ان "الضجة الي أثارها عطر (BK) جداً مبالغ بيها، باسم الكربلائي أيقونة العشق الحسيني، أثرى القضية الحسينية بقصائد عذبة أدّاها بعمق و إحترافية منقطعة النظير، لكن .. هل أدّاها بشكل تطوعي؟، ماكان ياخذ أجر بالمجالس الحسينية ؟، اذن الموضوع بالنسبة له مهنة مو فقط حب للحسين عليه السلام، بالمناسبة قصيدته ( مشّاي) هذا العام كانت من أروع القصائد لأنها كانت بمثابة درس توعوي للحب الحسيني الصحيح والتخلق بأخلاق اهل البيت عليهم السلام من صلاة و غض البصر وغيرها فخرجت عن المألوف من النواح والتظلم الي نسمعه في الملاحم الحسينية، ترقبوا إصداري الجديد "عطر نغم" سارعوا بالحجز تره الكمية محدودة".

وكتب علي جلال، ان "باسم الكربلائي حاله حال الفانين الباقين الاخت الفاضلة من يسوون اعلانات حول الكوكا كولا وحاله حال رونالدو وميسي من يسوّن اعلانات جل الحلاقة والتلفونات وهذا حال المشاهير بكل زمان ومكان لزيادة فلوسهم المتلتله بالبنوك، وحاول تقيسهه على نفسك انت اذا سنحت الك فرصة مناسبة ما تستغلهه لزيادة مدخولك؟ من البارحة لحظة اعلان باسم عن الترويج للعطر مالته والحسابات عالكة وناس ترفع وناس تكبس وتأيد وترفض وكل الاراء محترمة ومن حقهم يعبرون عن الافكار الي دور بمخيخاتهم، بس خلي نكون واقعيين ومنطقيين تجاه الممواضيع ومنكبرهه اكبر مما تتحمّل، يعني اذا انت تقدس باسم وتشوفه اله فهذا شأنك مو معناه من احجي على باسم تتهجم عليه وتقمعني ولا معناهه اني أتهجم عليك لانه تحبه وتشوفه إله، اني اشوف باسم مجرد منشد صوته حلو وعذب وقصائده حلوة غير ذني شيسوي يسوي عسى ما يصادق ميا خليفة شعليه بي اني وبحريته الشخصية، وبالرغم كل الحجي الصار حول موضوع باسم بالنهاية اشوفه ايجابي لانه معركة الوصول الى احترام حريتي ورأيي واحترام حريتك ورأيك صعبة وتحتاج نمر بمواضيع مثل باسم وغيرهه للفوز بحرب الحرية والرأي".

من جانبه، بيَّن علاء مشعان، ان "المنشد باسم الكربلائي سوة عطر باسمه سعره ١٠٠ دولار، بالنسبة لتسويق العطر عاشت ايدكم ماقصرتوا، الرجال كلشي ما سوة بس نزل العطر، وانهالت المنشورات، وتسوق العطر بطريقة سريعة جدا، وخلال ٢٤ ساعة تلكيه نافذ من الاسواق".

إلى ذلك، دوّن حسنين علي على صفحته في "فيسبوك": "كلنا ندري ان الهة قريش تجارة وعبادة، وهالمسيرة قديمة منذ الازل وبكل الاديان والملل، الحج وفائدة السعودية ودخلها القومي من الحج، ماركات الكفيل والمراد واستثمارات العتبات، فمن يجيك باسم الكربلائي يستثمر فلوسه بشركة عطور تحمل اسمه وبسعر غالي نسبيا، هاي بيها شغلتين، اول شغلة انه مثل مذكرنا هذا شي متوقع لان ربح الرهبان والمستثمرين بالدين ربح مغري، ثاني شغلة.. رجاءا لحد يكَلي الرجل حر وهاي امواله ومو مال حرام وبكيفه، لا عيني مو هيج الحجي.. لا اهله مليارديريه وولا سمعته القديمة بالخليج تسعفه من جان يشترط الاموال والا بالدولار لقاء مجالسه، فيا حبيبي من تشوف باسم يبجي اثناء القاءه لقصديته فهاي كلها شوبزنس ومهارة يضيفها لصوته الحلو حتى يطلعلك بانتاج مذهل.. بالنتيجة النهائية باسم الكربلائي مو مقدس، هاي اذا ما طلع الرجل مرائي للاسباب اعلاه. مو من حقه او حق المدافعين عنه ان يسموه خادم القضية الحسينية اللي المفروض تكون زاهدة ومبدئية.. فاحنه ما ناقصين خيوط حمر!". انتهى6

يمكنك ايضا قراءة الخبر في المصدر من عين العراق نيوز

عن مصدر الخبر

عين العراق نيوز

عين العراق نيوز

أضف تعليقـك