كوردى

ب وێنه‌.. سكره‌كێ ئاڤێ ل شێخان په‌قى و پرا حسێنیه‌ نێزیكى په‌قینێ بوویه‌

باسنيوز Basnews
مصدر الخبر / باسنيوز Basnews

 

به‌رى ده‌مه‌كێ كێم سكره‌كێ ئاڤێ ل قه‌زا شێخان په‌قى و ئاڤا وێ هه‌موو یا دچیت و كۆنترۆل ل سه‌ر ناهێته‌ كرن. د هه‌مان ده‌م دا مه‌ترسیه‌كا مه‌زن ل سه‌ر پرا حسێنیه‌ ل كۆمه‌لگه‌ها چره‌ى په‌یداكریه‌ و پر ل هنده‌ك جهان په‌قیه‌.

 

ئه‌ندازیار ئیبراهیم حسێن، رێڤه‌به‌رێ ئاڤدانێ ل قه‌زا شێخان، بۆ (باسنیوز) دیار كر، به‌رى ده‌مه‌كێ كێم مه‌زنترین سكرێ ئاڤێ ل نێزیك سه‌نته‌رێ قه‌زا شێخان ژ ئه‌گه‌رى هاتنا بارانێن زۆر په‌قى، 7 سكرێن ئاڤێ ل قه‌زا شێخان هه‌نه‌، به‌لێ ب تنێ ئه‌ڤ سكره‌ په‌قیه‌، ئه‌و ژى ژ به‌ركو ڤى سكرى شیانێن ئومباركرنا 200 هزار مه‌ترێن ئاڤێ یێن چوار گۆشه‌ هه‌بوویه‌ و 300 هزار مه‌ترێن ئاڤێ یێن چوار گۆشه‌ كه‌فتینه‌ د ناڤ ڤى سكرى دا و سكرى خوه‌ ل به‌ر نه‌گرتیه‌ و په‌قیه‌.

 

ئاشكرا ژى كو په‌قینا ڤى سكرى چو مه‌ترسى ل سه‌ر هاوولاتیان په‌یدا نه‌كرینه‌ و ئاڤا وى سكرى به‌ره‌ڤ ئاقارى ڤه‌ دچیت، چونكو ئاڤا وێ بۆ چاندنێ دهاته‌ بكارئینان و گۆتیشى: ئه‌ڤ سكره‌ ب كۆژمێ 440 ملیۆن دیناران ژلایێ حكوومه‌تا هه‌رێما كوردستانێ ڤه‌ هاتبوو چێكرن و فره‌هیا وى 100 مه‌ترن و بلنداهی وى 19 مه‌ترن.

 

ئازاد تاها، په‌یڤدارێ رێڤه‌به‌ریا هاتن و چوونا پارێزگه‌ها دهۆكێ، بۆ (باسنیوز) دیار كر، ژ ئه‌گه‌رێ هاتنا بارانێن زۆر و په‌یدابوونا لافاوان، به‌رى ده‌مه‌كێ كێم مه‌ترسیه‌كا مه‌زن ل سه‌ر پرا حسێنیه‌ ل كۆمه‌لگه‌ها چره‌ى په‌یداكریه‌ و پر ل هنده‌ك جهان په‌قیه‌ و مه‌ترسیه‌كا مه‌زن ل سه‌ر ژناڤچوون و په‌قینا وێ هه‌یه‌ و ئه‌م داخواز ژ وان شۆفێران ئه‌وێن ل سه‌ر رێیا دهۆك و و هه‌ولێر هاتن و چوونێ دكه‌ن د ئاگه‌هداربن و د هشیارى خوه‌ بن، ده‌مێ ل سه‌ر وێ پرا حسێنیه‌ ده‌رباز دبن.

 

موقه‌دم ئازاد ئاشكرا ژى كر، پرا حسێنیه‌ ناحیا رۆڤیا و كۆمه‌لگه‌ها چره‌ى پێكڤه‌ گرێدده‌ت و نها تیمێن سه‌خبێریا رێك و پرا كار د پاراستنا وێ پرێ دا دكه‌ن بۆ هندێ چو مه‌ترسیێن مه‌زن په‌یدا نه‌بن.

 

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك