كوردى

ئه‌نجومه‌نى نوێنه‌رانى عێراق سوپاسى هه‌رێمی كوردستان ده‌كات

باسنيوز Basnews
مصدر الخبر / باسنيوز Basnews

 

ئه‌نجومه‌نى نوێنه‌رانى عێراق، ئه‌مڕۆ شه‌ممه‌ 12/ 8/ 2018 سوپاسی هه‌وڵه‌كانى هه‌رێمی كوردستانى كرد بۆ به‌هاناوه‌چوونى لێقه‌وماوان و زیانلێكه‌وتووانى لافاوه‌كان.

حه‌سه‌ن كه‌عبی، جێگرى یه‌كه‌مى سه‌رۆكى په‌رله‌مانى عێراق، ڕای گه‌یاند: “سوپاسی هه‌وڵه‌كانى حكوومه‌تى هه‌رێمی كوردستان و پارێزگاكانى دیكه‌ ده‌كه‌ین له‌ به‌هاناوه‌چونیان بۆ هاوكاریكردنى لێقه‌وماوان و پشتیوانیكردنى ئاواره‌كان”.

پێگەی فەرمیی (بارەگای بارزانی) لە تۆڕی کۆمەڵایەتیی (فەیسبووک) بڵاوی کردەوە، ڕۆژی هەینی ٧ی ١٢ی ٢٠١٨، زوھێر ئەعرەجی، قایمقامی شاری مووسڵ، داوای لە سەرۆک بارزانی کردووە، بە ھانای شاری مووسڵەوە بچێت و یارمەتیی ئاوارەکان و خەڵکی لیقەوماو بدات بەهۆی لافاو و بارانبارینەکانی ئەم دواییە.

 

ئەوەش ئاشکرا کراوە کە سەرۆک بارزانی بەدەم ئەو بانگەوازەوە ھات و دەزگای خێرخوازیی بارزانی راسپارد، تاوەکوو بە ھانای ئاوارە و لێقەوماوانی لافاوەکانی ئەم دواییەی شاری مووسڵەوە بچێت.

 

لەمبارەیەوە رزگار عوبێد، بەڕێوەبەری نووسینگەی مووسڵی دەزگای خێرخوازیی بارزانی ڕای گەیاندووە، لەسەر ڕاسپاردەی سەرۆک بارزانی، لە ماوەی ٢٤ کاتژمێری داهاتوودا کاروانێکی گەورەی هاوکاری و کۆمەککردنی بەپەلە بۆ دانیشتووانی خێمەکانی (نەمردوون و سەلامییە) دەنێرن.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك