كوردى

فالح فەیاز بەربەستی بەردەم تەواوکردنی کابینەی نوێی حکومەتی عێراقە

قناة رووداو Rudaw
مصدر الخبر / قناة رووداو Rudaw

رووداو – بەغدا

فالح فەیاز بووەتە گرێکوێرەی تەواوبوونی کابینەکەی عادل عەبدولمەهدی. لەگەڵ ئەوەی پێشتر چەندین پۆستی جۆراجۆری حیزبی و حکومی وەرگرتووە، ئێستاش بەربژێرە بۆ پۆستی وەزیری ناوخۆی عێراق، کە پۆستێکی هەستیار و گرنگی حکومەتەکەی عادل عەبدولمەهدی دەبێت.

هاوپەیمانی فەتح بە سەرۆکایەتی هادی عامری بە هیچ شێوەیەک سازش لەسەر گۆڕینی فالح فەیاز ناکات، سائیروون و هاوپەیمانەکانیشی بە سەرۆکایەتی موقتەدا سەدر دەڵێن رێگەنادەن ببێتە وەزیر. 

فالح فەیاز لە ماوەی چەند ساڵی رابردوودا بەهۆی ئەو پۆستە جۆراوجۆرانەی هەیبووە یاریزانێکی ئەمنی بەهێز بووە، ئەو پەیامەکانی گواستووەتە بۆ هاوپەیمانی چوارقۆڵی نێوان رووسیا، ئێران، سووریا و عێراق. پەیوەندییەکی بەهێزی لەگەڵ بەشار ئەسەد، سەرۆکی سووریا و سەرکردەکانی ئێران هەیە. ئەو بە “حاجی” ناودەبرێت و کەسێکی کەمدووە.

فەیاز سەرۆکی هۆزی ئەلبوعامر-ە، کە یەکێکە لە هۆزە گرنگەکانی شیعەکانی پشتێنەی بەغدا، یەکێک بووە لە پشتیوانە سەرەکییەکانی ئاشتی کۆمەڵایەتی لە بەغدا و پشتێنەی شارەکە، بەوەش پەیوەندییەکی بەهێزی لەگەڵ هۆزەکانی ناوچەکە هەبووە.

دوای وەرگرتنی پۆستی سەرۆکایەتی دەزگای ئاسایشی نیشتمانی بەوە تۆمەتبار کرا، کە کەسە نزیکەکانی خۆی هێناوەتەوە پێشەوە و پۆست و پلەی جۆراوجۆری پێداون.

فالح فەیاز پێشتر لە هاوپەیمانی نەسر بوو بەسەرۆکایەتی حەیدەر عەبادی، دواتر جیابووەوە و چووە پاڵ هاوپەیمانییەکەی عامری و مالیکی، بەربژێرکردنی فەیاز بووەتە خاڵی ناکۆکی نێوان هەردوو هاوپەیمانی سەرەکی هاوپەیمانی چاکسازیی و ئاوەدانکردنەوە (کە پێکهاتوون لە موقتەدا سەدر، حەیدەر عەبادی، عەممار حەکیم، ئەیاد عەللاوی و ئوسامە نوجەیفی) و هاوپەیمانی بونیادنان( کە پێکهاتووە لە هادی عامری و نووری مالیکی). 

هاوپەیمانی چاکسازیی بە هەموو شێوەیەک بەربژێرکردنی فالح فەیاز بۆ ئەو پۆستە رەتدەکاتەوە و هاوپەیمانی بونیادنانیش سوورە لەسەر بەربژێرکردنی.

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك