كوردى

لە شێخان پیاوێك سێ‌ ساڵە بزرە

قناة رووداو Rudaw
مصدر الخبر / قناة رووداو Rudaw

رووداو – دهۆك

نزیكەی سێ ساڵە منداڵەكانی واحید چاوەڕێی باوكیان دەكەن، بەڵام هیچ هەواڵێكی دڵخۆشكەریان لەبارەی چارەنووسی باوكیان پێنەگەیشتووە. كەسوكارەكەی دەڵێن هەموو لایەنە ئەمنییەكانیان لە ونبوونی واحید ئاگادار كردووەتەوە. پۆلیس دەڵێت لە زۆر شوێن بەدوایدا گەڕاوین، بەڵام هیچمان دەستنەكەوتووە.

واحید خودێدا ئیلیاس، تەمەن 67 ساڵ، باوكی هەشت منداڵ، دانیشتووی قەزای شێخان، رۆژی 21/2/2016 لە ماڵ دەرچووە و نەگەڕاوەتەوە. كەرەم واحید، چیرۆكی ونبوونی باوكی بۆ (رووداو) باسكرد و گوتی :”باوكم دووكانی فرۆشتنی كەلوپەلی ئۆتۆمبێلی هەبوو، بەیانیان دەچووە سەر كارەكەی و ئێوارە دەگەڕایەوە. نە ئێمە و نە ئەویش كێشەی لەگەڵ كەس نەبووە. ئەو رۆژە چووەتە دووكانەكەی پاشان چەند شوفێرێكی تاكسی لە دەروازەی شێخان ئەویان بینیوە و ویستوویەتی بچێتە ئالوكا لە نزیك دهۆك. بەپێی زانیاریی ئێمە تا گەیشتووەتە  ئالوكا لە رۆژئاوای دهۆك سەلامەت بووە، بەڵام لەوێ‌ بێسەروشوێن بووە و لەو رۆژەوە مۆبایلەكەی داخراوە 
بە گوتەی كوڕەكەی، هەر رۆژێك دوای ونبوونی باوكی دەزگا ئەمنییەكانیان ئاگادار كردووەتەوە، بەڵام تا ئێستا بێسەروشوێنە. ئەوان تا ئێستا بێئومێد نەبوون لە گەڕانەوەی باوكیان. كەرەم دەڵێت “بەردەوام چاومان لە دەرگایە رۆژێك لە رۆژان باوكمان بگەڕێتەوە”.

سەرچاوەیەك لە پۆلیسی دهۆك بە (رووداو)ی گوت :”راستە كەسوكاری ئەو پیاوە هەر لە دووەم رۆژی دیارنەمانییەوە، لەلای ئێمە سكاڵایان تۆماركرد، ئێمەش دەستمان بە لێكۆڵینەوە و گەڕان بەدوای پیاوەكەدا كرد، بەڵام تا ئێستا هیچ سەرەداوێكمان دەستنەكەوتووە”. گوتیشی “وێنە و ناو و ناونیشانی ئەو كەسەمان داوەتە گشت بنكەكانی پۆلیس و بازگەكان و دەزگا ئەمنییەكان، بەردوامیشین لە گەڕان بەدوایدا”.

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك