كوردى

"دەستگیرکردنی مێردمنداڵەکەی گەرمیان پەیوەندی بە قوباد تاڵەبانییەوە نییە"

قناة رووداو Rudaw
مصدر الخبر / قناة رووداو Rudaw

رووداو – هەولێر 

نووسینگەی جێگری سەرۆکوەزیرانی هەرێمی کوردستان لە روونکردنەوەیەکدا لەبارەی دەستگیرکردنی مێردمنداڵەکەی گەرمیان رایدەگەیێنێت، ئەو پرسە بە هیچ شێوەییەک پەیوەندی بە قوباد تاڵەبانییەوە نییە. 

رۆژی سێشەممە 11-12-2018، سەمیر هەورامی، راوێژکاری راگەیاندنی جێگری سەرۆکوەزیرانی هەرێمی کوردستان روونکردنەوەیەکی لەبارەی ئەو دەنگۆیانە بڵاوکردەوە کە گوایە ”قوباد تاڵەبانی پەیوەندی بە دەستگیرکردنەکەی مێردمنداڵەکەی گەرمیانەوە هەیە”، کە بەگوتەی کەسوکاری دوو مانگ بەر لە ئێستا لەلایەن دژە تیرۆرەوە دەستگیرکراوە. 
راوێژکاری راگەیاندنی جێگری سەرۆکوەزیرانی هەرێمی کوردستان ئەو دەنگۆیانە رەتدەکاتەوە و رایدەگەیێنێت: “پاش بڵاوبوونەوەی هەواڵێک لە کەناڵەکانی راگەیاندن، گوایە مێردمنداڵیکی گەرمیانی بە فەرمانی بەڕێز قوباد تاڵەبانی جێگری سەرۆکوەزیران دەستگیراوە بە تۆمەتێکی نادیار و دواتر رەوانەی دادگای سلێمانی کراوە، بەپێویستمان زانی هەموولاییەک ئاگادار بکەینەوە کە؛ ئەو پرسە بە هیچ شێوەییەک و دوور و نزیک پەیوەندی بە بەڕێز جێگری سەرۆکوەزیرانەوە نییە”.
لە روونکردنەوەکەدا راوێژکاری راگەیاندنی جێگری سەرۆکوەزیرانی هەرێمی کوردستان دەڵێت: “بەدواداچوومان کردووە و ئەو پرسە پەیوەستە بە دادگاوە، بۆیە بە هیچ شێوەیەک دەستوەردان لە کاروباری دادگاکان ناکەین، بۆ ئەو مەبەستەش سکاڵای یاسایی پێشکەشی دادگا دەکەین لەوەی کە بێ بنەما ناوی بەڕێزیان زڕێندراوە”.
 

دوو مانگ بەر لە ئێستا مێردمنداڵێکی تەمەن 16 ساڵ بەناوی (هەڵۆ) لە کفری ”لەلایەن هێزەکانی دژە تیرۆرەوە دەستگیرکرا”، بەگوتەی کەسوکارەکەی، تاوەکو ئێستا نازانن هۆکاری دەستگیرکردنەکەی چییە.
بۆ ئەم مەبەستە ئەمڕۆ کەسوکاری هەڵۆ لەبەردەم دادگای سلێمانی گردبوونەوەیەکیان ئەنجامدا و باوکی کە پلەی رائیدی هەیە و بەشداری شەڕی داعشی کردووە دەڵێت: “دەمەوێت دادگا بۆم روونبکاتەوە کە کوڕەکەم لەسەرچی دەستگیرکراوە، داوا دەکەم کێ ئەو کوڕەی منی تێوەگلانداوە بدرێتە دادگا”. 
باوکی هەڵۆ دەشڵێت: “پێنج رۆژ دوای هەڵبژاردن کوڕەکەمیان بردووە و تاوەکو ئەو رۆژەش کوڕەکەم بانگەشەی بۆ کاک قوباد دەکرد، بەڵام ئێستا بۆ دەستگیرکراوە نازانین”. 

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك