كوردى

لە چەمچەماڵ تەقە لە بارەگایەکی پارتی دەکرێت

باسنيوز Basnews
مصدر الخبر / باسنيوز Basnews

 

 

لە قەزای چەمچەماڵی سەر بە پارێزگای سلێمانی دەستڕێژیی گوللە لە بارەگایەکی پارتی دیموکراتی کۆردستان کرا.

 

بەپێی راگەیاندراوێکی لێژنەی ناوچەی چەمچەماڵی پارتی کە ئەمڕۆ سێەممە ۱۱‌‌/۱۲/۲۰۱٨ بڵاوی کردوەتەوە وێنەیەکی بۆ‌‌‌ ‌‌‌‌(باسنیوز) نێردراوە و تێیدا هاتووە: “کاتژمێر ۱۱و ۳٥ خولەکی شەوی ڕابردوو دەستڕێژی گوللە لە بارەگای لیژنەی ناوچەمان لە چەمچەماڵ کرا و زیانی گیانی بەدواوە نەبووە و تەنیا زیانی مادیی لێ کەوتووتەوە”.

 

راگەیەندراوەکە ئەوەشی خستووەتە ڕوو: “بەو هیوایەین بە زووترین کات بکەرانی ئەو دەستڕێژە بدۆزرێتەوە”.

 

ماوەی زیاتر لە یەک مانگە لە سنووری پاریزگای سلێمانی، و بەتایبەتی قەزای چەمچەماڵ، دیاردەکانی تەقەکردن، کوشتنی خەڵک و هێرش بۆ سەر بارەگای پارت و ڕێکخراوەکان ڕوویان لە زیادبوون کردووە و چاودێرانیش ئەمە بە مەترسی دادەنێن و هۆکارەکەشی بۆ کەمتەرخەمیی دامودەزگا ئەمنییەکانی سنووری سلێمانی دەگەڕێننەوە.

 

لە ماوەی ڕابردووشدا لە بازگەیەکی شارەدێی سەنگاو، هێزە ئەمنییەکانی سەر بە یەکێتی تەقەیان لە هاووڵاتییەک کرد و لەنێو بازگەکەدا گیانی لەدەست دا، دواتر چەند هێزێک یەکتریان بە تەقەکردنەکە تۆمەتبار کرد.

 

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك