كوردى

ڕێگای کەلار دەربەندیخان کرایەوە

باسنيوز Basnews
مصدر الخبر / باسنيوز Basnews

دواى داخستنى ڕێگاى نێوان سلێمانى و گه‌رمیان به‌هۆى داڕووخانی پردێكه‌وه‌ له‌نزیك ده‌ربه‌ندیخان، ئیداره‌ى گه‌رمیان ڕای ده‌گه‌یه‌نێت، كه‌ ڕێگاكه‌یان كردووه‌ته‌وه‌ و كاركردنیش له‌ چاككردنه‌وه‌ى پرده‌كه‌ به‌رده‌وامه‌.

یونس ئەحمەد جێگری سەرپەرشتیاری ئیدارەی گەرمیان، له‌ ڕاگه‌یاندراوێكدا، كه‌ ڕاگه‌یاندنى ئیداره‌كه‌ بڵاویكردووه‌ته‌وه‌، ڕاگەیاند: “پاش ئەوەی بەھۆی بارانی زۆر و لافاوەوە پردی دەرەدۆین لەباشوری دەربەندیخان داڕووخا، ڕێگای ھاتوچۆی نێوان ئیدارەی گەرمیان و پارێزگای سلێمانی ئاستەنگی بۆ دروست بوو”.

ئاماژه‌ى به‌وه‌ش دا، كه‌ بەڕێوەبەرایەتی ڕێگاوبانی گەرمیان بە ھەماھەنگی لەگەڵ بەڕێوەبەرایەتی گشتیی ڕێگاوبانی سلێمانی لەتەنیشت پردە ڕووخاوەکەوە پردێکی کاتییان دروستکرد و ڕێگاکەیان کرده‌وه‌.

ئەمە سەرەڕای ئەوەی پرۆسەی چاککردنەوەی پردە ڕووخاوەکەش دەستی پێکردووە و کارکردن تێیدا بەردەوامە، هاوكات به‌پێی زانیارییه‌كان، كونسوڵخانه‌ى فه‌ڕه‌نسا له‌ هه‌ولێر به‌ڵێنی داوه‌ تێچووى چاككردنه‌وه‌ى پرده‌كه‌ له‌ ئه‌ستۆ بگرێت.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك