كوردى

هەنگاریا: وەزارەتی بەرگریی هەنگاریا و پێشمەرگە چالاکییەکی هاوبەش ئەنجام دەدەن

باسنيوز Basnews
مصدر الخبر / باسنيوز Basnews

ئەمڕۆ چوارشەممە سوپاسالاری هەنگاریا لە هەولێر سەردانی وەزارەتی پێشمەرگەی هەرێمی کوردستانی کرد و لەگەڵ سوپاسالاری هێزی پیشمەرگەی کوردستان و سەربەست لەزگین بریکاری وەزارەتی پێشمەر کۆ بوونەوە و باسیان لە چالاکییەکی هاوبەش کرد.

 

دوای کۆبونەوەکە سەربەست لەزگین، بریکاری وەزارەتی پێشمەرگە و فێرنیچ کۆرۆن، سوپاسالاری هەنگاریا لە پرێس کۆنفرانسێکدا باسیان لە ئامانجی کۆبوونەوە و دیداری نێوان سوپاسالاری هەنگاریا و بەرپرسانی وەزارەتی پێشمەرگە کرد.

 

لەمبارەوە سەربەست لەزگین گوتی: “سوپاسالاری هەنگاریا لەم سەردانەیدا بۆ هەرێمی کوردستان، وێڕای سەردانی هێزەکانی خۆیان، سەردانی سەربازگەکانی هێزی پێشمەرگە شوێنی مەشق و ڕاهێنانی هێزی پێشمەرگەیان کرد و لە کۆبوونەوەیەکدا جەختمان لەسەر هاوکاریی نێوانمان کرد و ئێمە بە گرنگییەوە لەم سەردانە دەڕوانین”.

 

گوتیشی: “لە کۆبوونەوەکەدا ئێمە ڕا و بۆچوونمان لەبارەی ئەو هاوپیەمانییەی نێوانمان و ئەو هاوکاری و پشتیوانییەی ئەوان لە وەزارەتی پێشمەرگە، گۆڕییەوە و هاوکات باسمان لەو پلان و بەرنامانە کرد کە هەنگاریا بۆ چارەسەری بریندارەکانی پێشمەرگە لە کاتی شەڕی داعشدا پێشکەشی هەرێمی کوردستانی کردووە و ئێستاش هەر بەردەوامن”.

 

 هاوکات فێرنیچ کۆرۆن لەمبارەوە گوتی: “پەرلەمانی هەنگاریا بڕیاری داوە کە سەربازی وڵاتەکەمان لە هەرێمی کوردستان بمێننەوە و لە مەشق و ڕاهێنان بە پێشمەرگە بەردەوام دەبین و بڕیارە وەزارەتی بەرگریی هەنگاریا و وەزارەتی پێشمەرگە چالاکییەکی هاوبەش ئەنجام دەدەن”.

 

ڕاشی گەیاند: “هۆکاری ئەوەی هەنگاریا زۆر بە جیدی هاتووەتە ناو ئەم دۆخە، ئەویش سەقامگیریی ناوچەکەیە، چونکە ئەگەر سەقامگیری هەبێت، کاریگەریی لەسەر ئەورووپا و بەتایبەت هەنگاریا هەیە، چونکە ڕێگرییە لە کۆچبەریی نایاسایی و دووەمیش سەرکەوتن بەسەر داعشدا یەکێکە لە ئامانجەکانی ئێمە و ئێمەش لەم کارەمان بەردەوام دەبین و نەتەنیا لە وباری مەشق و ڕاهێنانی پێشمەرگە، بەڵکوو پێشمەرگە بریندارەکان دەبەینە هەنگاریا و ساڵی داهاتووش ژمارەی سەربازەکانمان لە کوردستان بۆ 200 کەس زیاد دەکەین”.

 

نزیکەی یەک مانگ لەمەوپێش شاندێکی وەزارەتی پێشمەرگەش سەردانی هەنگاریای کردبوو.

 

 

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك