كوردى

هاونیشتمانییانی رۆژهەڵاتی کوردستان: دۆخی ئابووری زۆر خراپە

قناة رووداو Rudaw
مصدر الخبر / قناة رووداو Rudaw

رووداو – هەولێر

هەشت مانگە هاونیشتمانییانی رۆژهەڵاتی کوردستان بە دڵەڕاوکێ رۆژانە بۆ کڕینی پێداویستییەکانیان سەردانی بازاڕ دەکەن. هۆکاری ئەم دۆخە، دابەزینی بەهای تمەن و ناسەقامگیری بازاڕە.

37 رۆژە قۆناخی دووەمی گەمارۆکانی ئەمریکا بەسەر ئێران کەوتووەتە بواری جێبەجێکردن. پێشبینیدەکرا دوای سەپاندنی گەمارۆکان، بەهای تمەن زیاتر دابەزێ، بەڵام رەوتەکە پێچەوانە بوو؛ بەهای تمەن لەو ماوەدا تاڕادەیەک بەرزبووەوە. بەڵام هاونیشتمانییان دەڵێن، بەرزبوونەوەی بەهای تمەن کاریگەری لەسەر هەرزانبوونی نرخەکان نییە.

لە مانگەکانی رابردوودا بەهای هەر دۆلارێکی ئەمریکا تاوەکو نزیکەی 20 هەزار تمەنیش بەرزبووەوە، بەڵام ئێستا بۆ دەورووبەری 11 هەزار و 500 تمەن دابەزیووە. هاونیشتمانییان دەڵێن، بەرزبوونەوەی نرخی تمەن کاریگەری لەسەر هەرزانبوونی نرخەکان دانەناوە.

بەپێی یاسای ئێران، فرۆشیاران لە دانانی نرخی فرۆشتنی کەلوپەل ئازادنین. ئەوان دەبێ پێڕەوی لە نرخە داندراوەکان و قازانجی دیاریکراو بکەن، بەڵام ماوەیەکە فرۆشیارانی ورد و درشت یاساکەیان پشتگوێخستووە.

حکومەتی ئێران دەڵێت، بۆ کۆنترۆڵی نرخ، رۆژانە لیژنەکان لەنێو شار و شارۆچکەکان دەگەڕێن، بەڵام هاونیشتمانییان لە رۆژهەڵاتی کوردستان دەڵێن بازاڕ بێ خاوەنە و حکومەت دەستەوەستانە.

هاونیشتمانییان دەڵێن، ئەم دۆخە وایکردووە چیدیکە حیسابی گیرفانی خۆیان بۆ نەکرێت. ئەوان حیسابی خەرجییەکانیان لەدەست دەرچووە و رۆژ بە رۆژ داهاتیان بەراورد بە خەرجییەکانیان کەمتر دەبێتەوە. 

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك