كوردى

پەرلەمانی ئەورووپا پێشوازی لە پەرلەمان و حکوومەتی نوێی هەرێمی کوردستان دەکات

باسنيوز Basnews
مصدر الخبر / باسنيوز Basnews

نوێنەری حکوومەتی هەرێمی کوردستان لە یەکێتیی ئەورووپا ڕای گەیاند، پەرلەمانتارانی یەکێتیی ئەورووپا پێشوازی لە هەوڵەکانی لایەنە سیاسییەکان بۆ پێکهێنانی حکوومەتێکی بەهێز لە هەرێمی کوردستان دەکەن.

 

دلاوەر ئاژگەیی، نوێنەری حکوومەتی هەرێمی کوردستان لە یەکێتیی ئەورووپا بە (باسنیوز)ی ڕاگەیاند: “لە چەند کۆبوونەوەیەک لە پەرلەمانی ئەورووپا کەلە ستراسبۆرگ بەڕێوە چوو، بە جیا چاومان بە هەشت پەرلەمانتار لە فراکسیۆنە جیاجیاکانی یەکێتیی ئەورووپا کەوت، تەوەری سەرەکیی ئەو دیدارانە بریتی بوون لە گەیاندنی زانیاری بە پەرلەمانتاران لەسەر پێشهاتە سیاسییەکانی هەرێمی کوردستان و عێراق و هەوڵەکان بۆ پێکهێنانی حکوومەتی هەرێم”.

 

ئاژگەیی گوتیشی: “ئەو پەرلەمانتارانە وێڕای پیرۆزباییکردن لە سەرکردایەتیی سیاسی و گەلی کوردستان، هاوکات پێشوازییان لەو هەوڵانە کرد کە پارتە سیاسییەکانی هەرێم لە دوو هەفتەی ڕابردوودا بۆ پێکهێنانی حکوومەتێکی بەهێز ناویانە”.

 

 ڕوونیشی کردەوە: “باس لە پەرەپێدانی پەیوەندییەکانی نێوان دامەزراوە دیموکراسییەکانی هەرێمی کوردستان و یەکێتیی ئەورووپا کرا، پێمان ڕاگەیاندن کە پەرلەمانی نوێی کوردستان خوازیاری پەیوەنییەکی کارا و توندوتۆڵە لەگەڵ پەرلەمانی ئەورووپا، ئەوانیش ئامادەییان بۆ بەرەوپێشبردنی پەیوەندییەکانیان لەگەڵ پەرلەمانی کوردستان دەربڕی”.

 

نوێنەری حکوومەتی هەرێمی کوردستان گوتیشی: “لە تەوەرێکی دیکەی کۆبوونەوەکاندا باس لە ڕەوشی ئەمنی و مرۆیی عێراق و سەرهەڵدانەوەی داعش و پرۆسەی بە عەرەبکردنەوەی کەرکووک کرا، کە کاریگەریی نیگەتیڤیان لەسەر سەقامگیری و پێکەوەژیان لە عێراق هەیە”.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك