كوردى

"19 بەندكراوی داعش لە بەندینخانەی سووسێ لە سنووری سلێمانی هەڵاتوون"

قناة رووداو Rudaw
مصدر الخبر / قناة رووداو Rudaw

رووداو – سلێمانی

سەرچاوەیەک بە (تۆڕی میدیایی رووداو)ی رایگەیاند، 19بەندكراوی سەر بە داعش لە بەندینخانەی سووسێی سنووری پارێزگای سلێمانی كە سەر بە حكومەتی عێراقە، هەڵاتوون ‌و تاوەكو ئێستاش 15کەسیان دەستگیركراونەتەوە. بەڵام وەزارەتی دادی عێراقیش هەواڵەکە رەتدەكاتەوە.

ئەو سەرچاوەیە گوتی “19بەندكراوی سەربە داعش لە بەندینخانەی سووسێی سنووری سلێمانی هەڵاتوون. دوای هەڵاتنیان هێزە ئەمنییەكانی سنوورەكە دەستیان بە گەڕان ‌و پشكنین كردووە،  سەرنجام توانراوە 15کەسیان دەستگیربكرێتەوە، لەو ژمارەیە 9کەسیان لە سنووری شارۆچكەی بازیان دەستگیركراونەتەوە”.

هێزە ئەمنییەكان لە گەڕان ‌و پشكنین بە دوای ئەو چوار هەڵاتووەی دیكەدا بەردەوامن، بەڵام تاوەكو ئێستا دەستگیرنەكراونەتەوە.

ئەمڕٶ وەزارەتی دادی عێراق لە بەیاننامەیەكدا رەتیكردەوە لەو گرتووخانەیەدا هیچ كەسێك هەڵاتبێت ‌و رایگەیاند “هەواڵی هەڵاتنی زیندانیان لە یەكێك لە بەندیخانەكان دوورە لە راستییەوە”.

وەزارەتی دادی عێراق دەڵێت “رێوشوێنی ئەمنی تووند لەسەر ئاستی رێکخستن و چاودێریی هاوبەشی هێزە ئەمنییەکان گیراوەتەبەر، کە بەرپرسیارن لە شورای دەرەوەی زیندانەکە”.

بەندینخانەی سووسێ لە سنووری شارۆچكەی پیرەمەگروونە و سەر بە حكومەتی عێراقە،و ئەو كەسانەی لەو بەندیخانەیە زیندانین بە تاوانی قورس تۆمەتباران یان سزادراون.

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك