كوردى

ئەمنستی: داعش زیانی گەورەی بە ژێرخانی کشتوکاڵی شنگال گەیاندووە

قناة رووداو Rudaw
مصدر الخبر / قناة رووداو Rudaw

رووداو – هەولێر

رێکخراوی ئەمنستی ئینتەرناشناڵ دەڵێت، داعش لە شنگال زیانی گەورەی بە کەرتی کشتوکاڵی شنگال و دەوروبەری گەیاندووە، بەئەنقەست ناوچەکان وێرانکران بۆ ئەوەی کوردانی ئێزدی نەگەڕێنەوە ناوچەکانیان.

ریچارد پیرسهاوز، راوێژکاری قەیرانە گەورەکان لە رێکخراوی ئەمنستی ئینتەرناشناڵ (لێبووردنی نێودەوڵەتی) رایگەیاند، لە لێکۆڵینەوەکاندا دەردەکەوێت داعش “بەمەبەست وێرانکاری لە ناوچە کشتوکاڵییەکانی دەوروبەری شنگال ئەنجامداوە”، زیانەکان بۆ ماوەیەکی درێژخایەن کاریگەرییان لەسەر کشتوکاڵ و ئاژەڵداری ئێزدییەکان دەمێنێتەوە.

بەپێی راپۆرتەکەی ئەمنستی، هەزاران جووتیار و ئاژەڵدار ناتوانن بگەڕێنەوە سەر ماڵ و حاڵی خۆیان چونکە داعش ژێرخانی کشتوکاڵی ناوچەکانی تێکداون، بەجۆرێک ئەو کەلوپەلانەی بەسوودبوون بردوویانن بۆ خۆیان و ئەوانەشی نەبراون شکاندوویانن و لەکاریانخستوون.

لەماوەی رابردوودا تیمەکانی ئەمنستی ئینتەرناشناڵ چەند ناوچەیەکیان لە دەوروبەری شنگال بەسەرکردووەتەوە، چاوپێکەوتنیشیان لەگەڵ 69 کەس ئەنجامداوە کە 44 کەسیان پێشتر لە ناوچەکە جووتیار بوون. سەرجەمیان باسیان لەوەکردووە کە زەوییەکانیان چیدیکە بە کەڵکی کشتوکاڵ نایێن و کشتوکاڵ لە ناوچەکە بەشێوەیەکی بەرچاو پاشەکشەی کردووە. 

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك