كوردى

تۆماركردنی سكاڵا “رۆتین”ی تیایەشەش پزیشك بەهۆی هەڵەوە لە كارەكانیان دوورخراونەتەوە

كركوك الان kirkuknow
مصدر الخبر / كركوك الان kirkuknow

February 8, 2017 at 12:53 pm

نەخۆشخانەی ئازادی كەركوك فۆتۆ: ئەرشیفی كەركوك ناو

سۆران محەمەد
شەش پزیشكی كەركوك لە دوو ساڵی رابردوودا لە كارەكانیان دوورخراونەتەوە، ژمارەیەكی تریش سزای جۆراوجۆر دراون، ئەوەش دوای سكاڵای كەسوكاری نەخۆش دێت بەهۆی ئەنجامدانی هەڵەی پزیشكییەوە.

دكتۆر عەلی مەردان، بەڕێوەبەری بەشی پشكنین‌و سكاڵا لە فەرمانگەی تەندروستی كەركوك، بە (كەركوك ناو)ی وت “لە هەردوو ساڵی 2015ەو 2016 لەلایەن هاوڵاتییانەوە 40 سكاڵا لەسەر پزیشكانی كەركوك تۆماركراوە، تائێستا 10 كەیسیان یەكلاییكراونەتەوە”.

لەو 10 كەیسەی یەكلاییكراونەتەوە، شەش كەیسیان لە بەرژەوەندی نەخۆش‌و كەسوكاری نەخۆش بووەو بەهۆیەوە شەش پزیشك لە كارەكەیان دورخراونەتەوە، چوار كەیسی تریان ئەنجامی نەبووە، ئەوەش هەر بە وتەی دكتۆر عەلی مەردان.

فەرمانگەی تەندروستی كەركوك لە ساڵی رابردوو و ئەمساڵیشدا روبەڕوی هەندێك ناڕەزایی جۆراوجۆری هاوڵاتیانی شارەكە بووەوە، بەهۆی هەندێك “كەمتەرخەمیی‌و هەڵەی پزیشكیی‌و نەبوونی دەرمانی پێویست”.

گیانلەدەستدانی كچێكی 14 ساڵ بە ناوی هێلین چێنەر لە نەخۆشخانەی ئازادی كەركوك، نوێترین ئەو نمونانەن كە بە هۆیەوە پزیشكەكان‌و فەرمانگەی تەندروستی بە “كەمتەرخەم” تۆمەتباركران.

هێلین 18ی مانگی رابردوو، نەشتەرگەری رێخۆڵە كوێرەی بۆ كرا‌و دوای سێ رۆژ لە بێهۆشی گیانی لەدەستدا.

هێلین رۆژی 21ی مانگی رابردوو گیانی لەدەستدا، بەبێ ئەوەی بەهۆش بێتەوە

چێنەر نەجمەدین باوكی ئەو كچە، دوای پرسەی كچەكەی لە كۆنگرەیەكی رۆژنامەوانیدا وتی “دوای پشكنین پزیشكەكان وتیان ریخۆڵە كوێرەیەتیی‌و نەشتەرگەرییان بۆ كرد… دوای نەشتەرگەرییەكە پێیان وتین، كچەكەت نەخۆشی دڵی هەیە”.

كەسوكاری هێلین بوونی ئەو نەخۆشییەیان لە كەچەكەیان رەتكردەوەو رەخنەیان ئەوەیانگرت بەر لە نەشتەرگەری، پشكنینی دڵی بۆ نەكراوە، بۆیە هەڕەشەی تۆماركردنی سكاڵایان كرد.

ئەوەش لەكاتێكدایە دكتۆر گەیلان قادر، بەڕێوەبەری نەخۆشخانەی ئازادی لە كۆنگرەیەكی رۆژنامەوانیدا وتی “بەر لەنەشتەرگەرییەكە پرسمان بەكەسوكاری ئەو كچە كردووە ئایا نەخۆشی دڵ یان هیچ نەخۆشییەكی دیكەی نییە؟ ئەوان وتویان نەخێر”.

بەڵام هەندێك سەرەڕای گلەییەكانیان لە پزیشك‌و فەرمانگەی تەندروستی ئامادەنین لەڕێی یاساوە داوای مافی خۆیان بكەن.
ساڵی رابردوو گیانلەدەستدانی كچێكی دوو ساڵ (كەژین) بەهۆی پێوەدانی دوپشك، خۆپیشاندانی كەسوكارەكەیی‌و چالاكوانانی مەدەنی بەدواداهات، دژی نەبوونی دەرمانی دژە ژەهر، بەڵام ئەوان سكاڵا تۆمار بكەن‌و وتیان “ئەنجامی نابێت”.

پرۆسەی تۆماركردنی سكاڵا لەسەر هەڵەی پزیشكی لە عیراق تۆزێك ئاڵۆزە، چونكە پێكهێنانی هەر لیژنەیەك دەبێت رەزامەنی وەزیری تەندروستی لەسەر بێت.

دكتۆر عەلی مەردان، بەڕێوەبەری بەشی پشكنین‌و سكاڵا لە فەرمانگەی تەندروستی لەبارەی تۆماركردنی سكاڵاوە، دەڵێت بەشێك لە گلەیی هاوڵاتیان لەشوێنی خۆیدایەو هۆكارەكەشی رۆتینە لە وەزارەتی تەندروستی.

مەردان وتی “بەپێی یاسای پارێزگاری لە پزیشكان، بۆ پێكهانی لیژنە لەسەر هەڵەی پزیشكی دەبێت رەزامەندی خودی وەزیر وەربگیرێت، چ لەسەر دروستكردنی لیژنەو چ لەسەر ئەندامانی لیژنەكە، هەروەها بۆ پەسەندكردنی ئەنجامی لیژنەكە لە هەڵەی پزیشكی دەبێت دیسان رەزامەندی پزیشك وەربگیرێت”، بۆیە ئەو رێكارانە كاتێكی دەوێت.

“دۆخی عیراق ناجێگیرەو لە تەواوی پارێزگاكانەوە داوكاری ئاڕاستەی وەزیری تەندروستی دەكرێت، زۆرجار هاوڵاتیان گلەیی‌و گازندە لە پزیشكان دەكەن، بەڵام كاتێك سكاڵا تۆماردەكەن بە دەنگ سكاڵاكانییانەوە ناچن”، مەردان وای وت.

رەخنەشی لە هەندێك لەهاوڵاتیان گرت، كە دوای تۆماركردنی سكاڵاكانیان لەسەر پزیشك بەدەم داوای دادگاوە ناچن بۆ ئامادەبوونیان لەدانیشتنەكانی دادگا.

“ئێمە ئەو تۆمەتانە رەتدەكەینەوە كە ئاڕاستەی فەرمانگەكەمان دەكرێت، لەبەرامبەر ئەوەی پزیشكانەی كە هەڵەی پزیشكیان ئەنجامداوە سزانەدراون، جگە لەوانەی لەكارەكانیان دورخراونەتەوە هەندێكی تریش سزای جۆراجۆر دراون”.

نەخۆشخانەی ئازادی كەركوك فۆتۆ: ئەرشیفی كەركوك ناو

Tu dikarî ev nûçe ji çavkaniya xwendin , kirkuknow

عن مصدر الخبر

كركوك الان kirkuknow

كركوك الان kirkuknow

أضف تعليقـك