كوردى

بەر لە گەیشتنیان بە كەركوكداعش زیاتر لە 350 كەس لە خەڵكی حەویجە دەستگیردەكات

كركوك الان kirkuknow
مصدر الخبر / كركوك الان kirkuknow

February 9, 2017 at 12:04 pm

ئەوانەی لە كەمینی داعش رزگاریان بوو چوارشەممە 8-2 گەیشتنە مەكتەب خالید فۆتۆ: كاروان ساڵحی

كاروان ساڵحی
چەكدارانی داعش زیاتر لە 350 كەس لە خەڵكی حەویجە دەستگیردەكەن، لەوكاتەی ویستویانە بەرەو ناوچەكانی ژێر دەسەڵاتی هێزە ئەمنییەكانی كەركوك كۆچبكەن‌و تائێستا چارەنووسیان نادیارە.

شەوی 7-2 زیاتر 700 خێزانی قەزای حەویجەو ناحییەكانی (رەشادو ریاز) بەدوو بەشی جیا بەرەو كەركوك بەڕێكەوتن، بەڵام هەردوو بەشەكە لەڕێگەدا كەوتوونەتە كەمینی چەكدارانی داعش‌و نزیكەی نیوەیان دەستگیركراون.

لەیلا ئەحمەد، یەكێك لەو كەسانەی رزگاری بووەو چوارشەممە خۆی گەیاندە ناوچەی مەكتەب خالید لە باشوری رۆژئاوای كەركوك بە (كەركوك ناو)ی وت “شەوی سێشەممە 7-2 دوای ئەوەی پیاوەكان بڕیاریاندا بەڕێبكەوین بەرەو لای سنورەكانی هێزەكانی پێشمەرگە كە نزیكترین ناوچەیە  بۆ ئێمە، بەڵام لە نزیك گوندی زیبات كەوتینە كەمینی داعشەوە، ئەوەی توانی هەڵبێت ئەوە هەڵهات، ئەوەیشی نەیتوانی ئەوە كەوتەدەست داعش”.

لەیلا كە منداڵێكی لە باوەش گرتبوو، وتی “ئەوە ناوی شاهینە‌و تەمەنی 10 رۆژە، منداڵی خوشكەكەمە، ئەوكاتەی كەوتینە كەمینی داعشەوە شاهین لە باوەشی من بوو، خوشەكەم (نەدا) نەیتوانی رابكات‌و پیاوەكەشی لەبەر نەدا راینەكرد، بۆیە هەردوكیان كەوتنە دەست داعش”.

ئەو بەشە خەڵكەی بەرەو مەكتەب خالید هاتبوون بە وتەی لەیلا زیاتر لەنیوەیان كەوتونەتە دەست داعش.

شێخ نایف ئەحمەد مەرزوق نعێمی، فەرماندە لە لیوای هۆزەكانی حەویجە بە (كەركوك ناو)ی وت “ئەو خەڵكە لە نێو خۆیاندا رێككەوتوون بە دوو بەش كۆچبكەن، بەشێكیان بەرەو مەكتەب خالیدو بەشەكەی دیكەیان بەرەو سنوری حەمرین، ئەوانەی بەرەو مەكتەب خالید هاتبوون زیاتر لە 300 كەسیان گەیشتنە شوێنی مەبەست، بەڵام ئەوانەی نەیانتوانی رابكەن‌و داعش دەستگیری كردوون زیاتر لە 260 كەس دەبن”.

وتیشی “ئەو بەشەشی كە بەرەو حەمرین بەڕێكەوتبوون ئەوانیش كەوتوونەتە كەمینی داعشەوەو نزیكەی 125 كەسییان لێ دەستگیركراوە كە لە نێویاندا ژن‌و منداڵ هەن”.

لە كۆی گشتی دەستگیركراوەكاندا ئاماژە بە نزیكەی 385 كەس دەكرێت‌و تائێستا چارەنووسیان نادیارە.

ئەوانەی لە كەمینی داعش رزگاریان بوو چوارشەممە 8-2 گەیشتنە مەكتەب خالید فۆتۆ: كاروان ساڵحی

Tu dikarî ev nûçe ji çavkaniya xwendin , kirkuknow

عن مصدر الخبر

كركوك الان kirkuknow

كركوك الان kirkuknow

أضف تعليقـك