شه‌فه‌ق نيوز/ رووژنامه‌يگ عه‌ره‌بى باس له‌وه كرد ك نزيكه‌وبوين حه‌يده‌ر عبادى سه‌رۆك وه‌زيره‌يل له سه‌ركرده‌يل حه‌شد شه‌عبى ئستفزاز وه نورى مالكى ئه‌ميندار گشتى حزب ده‌عوه و جيگر سه‌رۆك كۆمار كردگه.
رووژنامه‌ى ئه‌لعه‌ره‌بى الجديد له زووان سه‌رچه‌وه‌يگ له ئئتلاف ده‌وڵه‌ت ياسا، وت: رووژه‌يل گوزه‌يشت ركابه‌رييگ بويه له‌ناونى عبادى و مالكى ئه‌را وه‌ده‌سهاوردن موحيبه‌ت فه‌سيله‌يل چه‌كدار ك چينه‌سه ناو هاوپه‌يمانى “ئه‌لفه‌تحولموبين”و يه‌يش ده‌رخست ك مالكى مه‌يل ئه‌را هاوپه‌يمانيه كويه‌نه‌گه‌ێ ديريد وه‌ل سه‌ركردايه‌تيه‌يل حه‌شد شه‌عبى جوور هادى عامرى و قه‌يس خه‌زعه‌لى و ئه‌كره‌م ئه‌لكه‌عبى.
جى باسه، رووژنامه‌گه يه‌يش باسكرد و وت: هاوپه‌يمانى ئه‌لنه‌سر ك عبادى سه‌رۆكايه‌تى ئه‌كا زه‌مانه‌ته‌يل فيشتريگ پيشكه‌ش كرده‌سه سه‌ركردايه‌تيه‌يل هاوپه‌يمان ئه‌لفه‌تحولموبين و ئاماده‌گى خوه‌يشى ده‌رخستگه ئه‌را ئمزاكردن ئه‌و چشته‌يله له‌ه‌بانى ريك بكه‌فيه‌ێد و ئاماژه وه‌يه‌يش كرد ك سه‌ركرايه‌تيه‌يل ئه‌لفه‌تحولموبين مه‌سه‌له‌گه جوور نيمچه كووتاييگ يه‌كلاوه كردنه وه‌ل عبادى و له‌هه‌مان وه‌خت يه‌يش وت: ك 9 سه‌ركرده‌يش له حزب ده‌عوه ك نزيكنن له عبادى داواكارييگ پيشكه‌ش كردنه ئه‌را كومسيۆن هه‌ڵوژاردنه‌يل له‌وه‌ر له‌غوكردن تۆمار حزب له چوارچيوه‌ى هاوپه‌يمانيه‌گه‌ێ مالكى.
Tu dikarî ev nûçe ji çavkaniya xwendin , shafaaq
