كوردى

نووسەر و لێکۆڵەرێکی کورد لە تاران سێ خەڵاتی نێودەوڵەتیی پێدەبەخشرێت

باسنيوز Basnews
مصدر الخبر / باسنيوز Basnews

ئەمڕۆ یەکشەممە لە شاری تاران، لەلایەن سێ رێکخراوی جیھانییەوە سێ خەڵاتی نێودەوڵەتی بە محەمەد عەلی قەرەداغی، مامۆستای ناسراوی ئەدەب و مێژوونووسی کورد دەبەخشرێت.

 

 خەڵاتەکە لەلایەن ھەر یەك لە رێکخراوەکانی یۆنسکۆ و رێکخراوی ئیسیسکۆ و رێکخراوی فاڕابی پێی دەبەخشرێت و ھۆکاری پێدانی ئەو 3 خەڵاتەش وەك باشترین توێژینەوەیە لە جیھاندا لە بواری دەستنووسی کوردیدا.

 

 مامۆستا محەمەدعەلی قەرەداغی ئەندامی کارای ئەکادیمیای کوردستانە و دانیشتووی شاری سلێمانییە، زیاتر لە 65 کتێب و 500  توێژینەوەی لە کوردستان و عێراق و جیھاندا بڵاو کردووەتەوە. چەندین ساڵیش لە شاری بەغدا خوێندکاری مامۆستا و زانای گەورەی کورد مەلا عەبدولکەریمی مودەریس بووە و وانەی لێ فێر بووە، لە توێژینەوەکانی مودەریسدا ھاوکار بووە.

 

لە ساڵانی ڕابردوودا دوو کتێب و دەقی گرنگی ماشەرەف خانم (مەستوورەی ئەردەڵان) و مەولەی شاعیری ناسراوی کوردی چاپ و بڵاو کردەوە کە دەق و کتێبی نایاب بوون.

 

 

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك