كوردى

بەڕێوەبەری پۆلیسی ھەولێر وردەکاریی شەڕەکەی پێش قەڵای هەولێر ئاشکرا دەکات

 

بەڕێوەبەری پۆلیسی ھەولێر وردەکاریی شەڕەکەی باغی شار لە ھەولێر ئاشکرا دەکات.

 

رۆژی پێنجشەممە ١٥/٢/٢٠١٨، لیوای مافپەروەر عەبدولخالق تەڵعەت، بەڕێوەبەری پۆلیسی ھەولێر بە (کوردستان ٢٤)ی راگەیاند، ئەو رووداوەی رووی داوە ھیچ پەیوەندییەکی بە بابەتە سیاسییەکانەوە نەبوو، بەڵکو بابەتێکی کۆمەڵایەتی.

 

عەبدولخالق تەڵعەت، ھۆکاری رووداوەکەی ئاشکرا کرد و رایگەیاند، کە دوو گەنجی عەرەبی خەڵکی بەسرە بەبۆنەی رۆژی ڤالانتاینەوە لە کچێک نزیک بوونەتەوە و کێشە لە نێوانیان رووی داوە.

 

بەڕێوەبەری پۆلیسی ھەولێر جەختی لەوە کردەوە، کە پۆلیس ئەو کەسانەی بردووەتە بنکە و دوای لێکۆڵینەوە دەرکەوتووە تەنیا کێشەیەکی کۆمەڵایەتیی بووە و ھیچ لایەکیشیان سکاڵای تۆمار نەکردووە.

 

عەبدولخالق تەڵعەت ئاماژەی بەوەش کرد، کە گەنجە عەرەبەکان ئازاد کراون و سەرپەرشتیاری ئەو گرووپەی ئەو دوو گەنجە لەگەڵی ھاتوون داوای لێبووردنی کردووە.

 

رۆژی چوارشەممە ١٤/٢/٢٠١٨، چەند گەنجێکی کورد و عەرەب لە باغی شار لە ھەولێر بەشەڕھاتن و دواتر پۆلیس شەڕەکەی راگرت و بارودۆخەکە ئاسایی بووەوە.

Tu dikarî ev nûçe ji çavkaniya xwendin , Basnews

قد يعجـــــبك ايضا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *