كوردى

پەرلەمانتارێک: شاندەكەی پەرلەمان بۆ عەفرین لووتكەی هاوهەڵوێستیی نەتەوەیی كوردە

شاندێكی پەرلەمانی كوردستان كە سەردانی شاری عەفرینی رۆژئاوای كوردستانیان كرد، گەڕانەوە بۆ هەرێمی کوردستان و ئاشکرای دەکەن خەڵکی عەفرین پێویستییان بە هەموو جۆرە هاوکارییەک هەیە.

 

ئەو شاندەی پەرلەمانی کوردستان کە چەند ڕۆژێک لە عەفرین بوون، پاش گەڕانەوەیان بۆ هەرێمی كوردستان، لە پیشخابور پرێس كۆنفڕانسێكیان ئەنجام دا و تێیدا، عەلی هالو، یەكێك لە ئەندامانی شاندەكە ڕای گەیاند: “داواكاریی ئێمە بۆ سەرجەم پارتە سیاسییەكان ئەوەیە كار بكەن بۆ یەكڕیزیی كوردان و داوامان لە حكوومەتی هەرێمی كوردستان و كونسووڵخانەی وڵاتان لە هەرێمی كوردستان و هاوكات دەزگا خێرخوازییەكان ئەوەیە بەدەم هاواری خەڵكی عەفرینەوە بچن و خەڵكی عەفرین پێویستی بە هەموو هاوكارییەكی مرۆیی هەیە و بۆ ئەو مەبەستەش، عەفرینییەكان چاوەڕوانی خەڵكی باشوری كوردستانن”.

 

هاوكات، شێركۆ حەمەئەمین، ئەندامی شاندی پەرلەمانی كوردستان بۆ عەفرین، ڕای گەیاند: “بێگومان ئێمە كە ڕۆیشتینە عەفرین، شاندێكی فەرمیی پەرلەمانی كوردستان بووین، پشتیوانی هەموو خەڵكی باشوری كوردستانمان گەیاندە عەفرینییەكان و ئەو بەرخۆدان و قارمانێتییەی عەفرینییەكانمان لە بەرامیەر هێرشەكانی سوپای توركیا دووپات كردەوە و هاوسۆزیی خەڵكی باشوری كوردستانمان پێیان ڕاگەیاندن”.

 

ئەو پەرلەمانتارە روونیشی كردەوە، خەڵكی عەفرین بە جۆش و خرۆشێكی گەرمەوە پێشوازییان لێ كردین و سەردانی شاندەكەی پەرلەمانی كوردستان لووتكەی هاوهەڵوێستی یەكێتیی نەتەوەیی كوردی لەسەر ئەرزی واقیع بەرجەستە كرد و دەرخەری ئەوە بوو كە كورد لە كاتی ناخۆشیدا پشتیوانیی یەكتر دەكەن”.

 

پێشتر عەلی ھالۆ، ئەندامی ئەو شاندە کە سەردانی عەفرینیان کردووە، بۆ (باسنیوز)، ڕای گەیاندبوو: “لە عەفریندا بریندارێکی زۆری سڤیل ھەیە، لەسەر رەوشی عەفرین ئێمە بانگەواز لە ھەر سێ پارچەکەی دیکەی کوردستان دەکەین ھاوکاری عەفرین بکەن”.

 

جەختیشی لەوە کردەوە، کە ئەنجامی سەردانەکەیان دەکەنە راپۆرتێک و لە دانیشتنی پەرلەمانی کوردستاندا دەخوێنرێتەوە، ھاوکات ڕاپۆرتەکە ئاراستەی کونسووڵخانەی وڵاتان لە ھەولێر دەکەن.

 

رۆژی شەممە 20/1/2018، سوپای تورکیا بە بەکارھێنانی ھێزی ئاسمانی، زەمینی و تۆپخانە، لەژێر ناوی ئۆپەراسیۆنی (چڵە زەیتوون)دا ھێرشی کردە سەر شاری عەفرین لە رۆژئاوای کوردستان و ھەتا ئیستا سەدان ھاووڵاتیی سڤیل بوونەتە قوربانی.

Tu dikarî ev nûçe ji çavkaniya xwendin , Basnews

اقسام فرعية

قد يعجـــــبك ايضا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *