كوردى

کۆنگرەی ئاسایشی جیھان لە میونشن بەڕێوە دەچێت

باسنيوز Basnews
مصدر الخبر / باسنيوز Basnews

 

کۆنگرەی ئاسایشی جیھانی لە میونشن بەڕێوە دەچێت و راوێژکاری ئەنجومەنی ئاسایشی ھەرێمی کوردستانیش بەشداریی تێدا دەکات.

 

بڕیارە رۆژی ھەینی ١٦/٢/٢٠١٨ کۆنگرەی ئاسایشی جیھانی لە میونش بە بەشداریی ٢٠ سەرۆک وڵات، ٤٠ وەزیری بەرگریی وڵاتان، ٤٠ وەزیری دارایی و ژمارەیەک سەرکردەی ناسراوی جیھان، دەست پێ بکات و ماوەی سێ رۆژ بەردەوام بێت.

 

لە کۆنگرەکەدا، کە حکوومەتی ئەڵمانیا چوار ھەزار کارمەندی ئاسایش و پۆلیسی بۆ پاراستنی کۆنگرەکە و بەشداربووەکانی تەرخان کردووە، ئەو سەرکردە باڵایانەی جیھان تاوتوێی چۆنێتیی رووبەڕووبوونەوەی ھەڕەشە ئاسایشییەکان و شەڕی دژی تیرۆری جیھانی، دەکەن.

 

بۆ ئەمساڵ، مەسروور بارزانی، راوێژکاری ئەنجومەنی ئاسایشی ھەرێمی کوردستان بە بانگھێشتێکی فەرمی، بەشداریی کۆنگرەکە دەکات و لە پەراوێزی کۆنگرەکەشدا، لەگەل گەورە بەرپرسان و سەرکردەکانی جیھان، کۆ دەبێتەوە.

 

ھەروەک لە ماڵپەڕی فەرمیی کۆنگرەکەدا ئاماژەی پێ کراوە، تەوەرە سەرەکییەکانی خولی ٥٤ـی کۆنگرەی ئاسایشی جیھان، پرسەکانی پەیوەندیی نێوان رووسیا و ئەمریکا، چەکی ناوەکیی کۆریای باکوور و کێشە و ئاڵۆزییەکانی رۆژھەڵاتی ناوەڕاست دەبێت.

 

لە دوو خولی دوو ساڵی رابردووی کۆنگرەکەدا، سەرۆک مەسعود بارزانی بەشداریی کردووە و لەگەڵ بەرپرسانی باڵای جیھان کۆ بووەتەوە.

 

بەشداریکردنی ھەرێمی کوردستان لە کۆنگرەکەدا بۆ رۆڵی کاریگەری ھێزەکانی پێشمەرگەی کوردستان و ھێزەکانی ئاسایشی کوردستان لە شەڕی دژی تیرۆر بە تایبەت شەڕی دژی رێکخراوی تیرۆریستی داعش دەگەڕێتەوە.

 

کۆنگرەی ئاسایشی جیھانی و سیاسەتەکانی بەرگری، ساڵانە لە ناوەڕاستی مانگی شوبات بە بەشداریی فەرماندە سەربازییەکان و سەرۆکە کاریگەرەکانی جیھان لە شاری میونشنی پایتەختی ھەرێمی باڤاریا لە باشووری ئەڵمانیا، بەڕێوە دەچێت.

ئەو کۆنگرە ئاسایشییەی جیھان لە ساڵی ١٩٦٤ـەوە دەستی پێ کردووە و خولی ئەمساڵی خولی ژمارە ٥٤ـە.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك