كوردى

ل زانکۆیا دھۆکێ سەنتەرەک ب ناڤێ بێشکچی ھاتیە دانان

باسنيوز Basnews
مصدر الخبر / باسنيوز Basnews

 

سەنتەرێ بێشکچی ل سالا ١٩٩٦ ل زانکۆیا دھۆک ھاتیە ڤەکرن ب ناڤێ سەنتەرێ ڤەکۆلینێن کوردی بۆ پاراستنا بەلگەنامان و چەندین گوھورین ل سەردا ھاتینە ھەتا سالا ٢٠١٦ زانکۆیا دھۆک ب فەرمانەکا وەزارەتا خواندنا بلند و ڤەکۆلینێن زانستی بریار دا ناڤێ سەنتەرێ بھێتە گوھورین بۆ (سەنتەرێ بێشکچی بۆ ڤەکۆلینێن مرۆڤایەتی).

رێڤەبەرێ سەنتەرێ بێشکچی بۆ ڤەکولینێن مرۆڤایەتی د. نەشوان شوکری بۆ (باس) بەحسێ ئارمانجا بناڤکرنا سەنتەری ب بێشکچی کر و گۆت: ئیسماعیل بێشکچی نڤیسەرەکی مەزنە و دبنیات دا کوردە و دەستەکی بلند دنڤێسینێ دا ل دۆر دۆزا کوردی ل ھەر چار پارچێن کوردستانێ و ب تایبەت کوردستانا باشوور ھەیە، ژ بەر رێزگرتنەک بۆ خەباتا وی ئەڤ سەنتەرە ب ناڤێ بێشکچی ھاتە بناڤکرن، نێزیکی ٢٥ پەرتۆکان ل سەر دۆزا مللەتێ کورد نڤیسینە و ١٧ سالان کەفتیە د زیندانێ دا سەرا کێشا مللەتێ کورد و ژیانا خۆ ھەمی تەرخان کریە بۆ نڤیسینێ و بتایبەت ل سەر گەھاندن و دیارکرنا ناڤ و پەیاما کوردی.

وەکو رێڤەبەرێ سەنتەرێ بێشکچی ئاماژە پێدای کو نڤیسینێن بێشکچی ب زمانێ تورکی نە، ژ بەر ڤێ چەندێ ئێک ژ پرۆژێن سالانە یێن سەنتەری کو بودجەکا تایبەت ھاتیە تەرخان کرن بۆ وەرگێرنا پەرتووکێن وی بۆ زمانێ کوردی و سالا ٢٠١٦- ٢٠١٧ چار پەرتووکێن وی وەرگێراینە زمانێ کوردی و نۆکە ژی دوو پەرتووکێن دیتر ل بەر دەستن بۆ وەرگێرانێ و دوو ژی ھاتینە وەرگێران بۆ زمانێ عەرەبی و ئەڤ پرۆژە دێ بەردەوام بیت لگۆر شیانێن سەنتەری. گۆت ژی مە لبەرە ھەمی پەرتۆکێن وی وەرگێرین بۆ زاراڤێ بادینی و ب زاراڤێ سورانی ژی ھەنە.

د. نەشوان شوکری خویا ژی کر کو سەنتەرێ بێشکچی یێ زانستی و مرۆڤایەتی یە، ژ بەر ھندێ ھەمی لایەنان بخۆڤە دگریت (دیرۆکی، جۆگرافی، کۆمەلناسی، سیاسی، دبلوماسی و راگەھاندن) و سالانە نیزیکی ٣٠ سمینارێن رۆژانە دھێنە ئەنجامدان و سمینارێن حەفتیانە ژی ل ھەمی رۆژێن پێنچ شەمبی دھێنە گێران، د ھەر بابەتەکی دا ئەم شارەزایێن ناڤخۆ و ژدەرڤەیی کوردستانێ ل ھەمی وەلاتێن جیھانێ داخواز دکەین بۆ پێشکێشکرنا سمینارەکا ئەکادیمی و پری زانین، دیسا سالانە ئەم دوو مێزگەردان ئەنجام ددەین و ئەگەر مە شیانێن مادی ھەبن دبیت پتر ئەنجام بدەین و ئەو کەسێن پشکدار دبن ئەم گۆتارێن وان کۆم دکەین و دکەینە پەرتووکەکا بچویک، ھەروەسا سالانە مە کۆربەندەک ھەیە، سالا ٢٠١٧ مە کۆنفرانسەک ئەنجام دا و ئێکەم کۆنفرانسێ نێڤدەولەتی بوو و دھەمان وەخت دا دامەزراندنا سەنتەری بناڤێ (سەنتەرێ بێشکچی بۆ ڤەکۆلینێن مرۆڤایەتی) ھاتە راگەھاند.

رێڤەبەرێ سەنتەرێ بێشکچی گۆت ژی سالانە ئەم نڤیسارەکێ بۆ ھەمی کولیژە و پشکێن زانستی یێن ھەڤپشک دگەل مە دا رەوانە دکەین و داخوازێ ژ مامۆستا و ڤەکۆلەران دکەین ھەر ئێکێ پرۆژەک ھەبیت دشێت پێشکێشی مە بکەت و ئەم ژی دکەینە د پلانا خۆیا سالانە دا بۆ ئەنجام دانا وی پرۆژەیی، دیار ژی کر کو کۆنفراسێ ئێکێ یێ نێڤدەولەتی ل دۆر رەوشا سیاسیا کوردستانێ پشتی داعشێ بوو، ژبەر ھندێ مامۆستا و شارەزایێن دوێ واری دا ژ ئەمریکا و ئەلمانیا و روسیا و بریتانیا و ئیرانێ و تورکیا و سوریا و ل سەر ئاستێ عیراقێ و ھەریمێ ژی ھاتبوونە داخواز کرن و ھەماھەنگی ل گەل گۆڤارا زانستی یا زانکۆیێ کر بوو و ژمارەکا تایبەت ل دۆر کۆنفرانسێ دەرکەڤیت، چونکو ھەمی ڤەکۆلینێن دھێنە بەر دەستێ مە کۆم دکەین و بۆ جھێن شولەژێ رەوانە دکەین، وەکو (سەرۆکاتیا ھەرێما کوردستانێ و خواندنا بلند و سەنتەرێن زانستی)، بۆ کوربەندێ سالا بھێت ژی دێ پێشنیار و ئەنجامان رەوانەیی وەزیرێ خواندنا بلند و ڤەکۆلینێن زانستی کەین، چونکو گرێدایی وانە، واتە ل دویف کۆنفرانس و ئاراستەکرنا وی دمینیت و ئەڤ کۆربەندە یێ ناڤخۆیی یە کو سەنتەرێن ڤەکۆلینێن زانستی یە ل سەر ئاستێ ھەرێما کوردستانێ کو مە گەلەک سەنتەر ھەنە ھەما ناڤێن کار ل سەر ناھێتەکرن ژ بۆ دانانا میکانیزمەکێ بۆ چەاوانی و گرنگی و کارکرن و پێشتەڤانیکرن ل حکومەتێ و بەرۆڤاژی و چەوا کارا بکەین و ئاریشە و پێدڤیێن وان.

ھەروەسا گۆت بۆ سالا خواندنا ٢٠١٧- ٢٠١٨ نیزیکی ھەشت پرۆژان ھەنە، دیسان ڤەکۆلنێن ب زمانێ فارسی و فرەنسی ژی ھەنە دێ وەرگێرین بۆ زمانێ کوردی، ھەروەسا کۆربەندەک ل دۆر ئاستێ ھەرێما کوردستانێ ل سەر سەنتەرێن مرۆڤایەتی دێ ئەنجامدەین، دا بزانین دێ چەوا پێشتەڤانیا حکومەتێ کەین و بەرۆڤاژی، واتە سالانە پرۆژیێن خۆ ٧٠- ٨٠% بجە دئینین و ئەڤ چەندە ڤەدگەریت بۆ شیانێن مادی و ڤێ قەیرانا ب سەر مەدا ھاتی ھندەک کارێ مە کێمتر لێکریە.

د. نەشوان شوکری ئەو ژی زەلال کر کو سەنتەرێن زانستی و مرۆڤایەتی بریارێن سەرەکی ددەنە دەولەتان و گوھورینان پەیدا دکەن، چونکو ئەڤ سەنتەرە دەرئەنجامێن ھەر کار و روودانەکێ ددەنە حکومەت و دەولەتان بۆ چارەسەکرنا گرفتان و ھەتا نوکە نیزیکی ٢٠ پەرتووکان مە چاپکرینە کو گرێدایی ئاریشێن سیاسی و جڤاکی و ئابووری نە.

Tu dikarî ev nûçe ji çavkaniya xwendin , Basnews

عن مصدر الخبر

باسنيوز Basnews

باسنيوز Basnews

أضف تعليقـك