كوردى

رووداو وێنەی شەهید شیفا چەند چرکەیەک پێش شەهیدبوونی بڵاودەکاتەوە

قناة رووداو Rudaw
مصدر الخبر / قناة رووداو Rudaw

رووداو – هەولێر 

تۆڕی میدیایی رووداو وێنەی شیفا گەردی لەدوا ساتەکانی و لە نزیک چاڵی خەسفە بڵاودەکاتەوە، کە لە مۆبایلی سەید عەلی، یەکێک لەو چەکدارانەی حەشدی شەعبی کە لەگەڵیدا شەهیدبووە گیراون.

وێنەکان بە مۆبایلی سەید عەلی گیراون و لەلایەن خانەوادەکەیەوە وێنەکان بۆ رووداو نێردراون. وەک لە وێنەکاندا دەردەکەوێت، شیفا گەردی لەگەڵ هاوڕێکانی بەرەو چاڵاکە دەڕۆن.

چاڵی مەرگ، ئەو چاڵەی شیفا گەردی دەیویست راپۆرتێكی لەسەر ئامادەبكات، بەلای خەڵكی شاری مووسڵەوە زۆر ئاشنایە. لەو چاڵەدا پەپوولەی مەرگی چەندین كەس بەرەو ئاسمان هەڵفڕیوە. چاڵی خەسفە، كە كردەوەكانی داعش ناوەكەی زەقكردووەتەوە بە (چاڵی مەرگ)، لە دووریی 20 كیلۆمەتر لە باشووری موسڵ و 5 كیلۆمەتر لە گوندی عەزبە، لەسەر رێگەی مووسڵ- بەغداوە هەڵكەوتووە.

شیفا گەردی رۆژی 25-2-2017 لەكاتی رووماڵكردنی هەواڵەكانی شەڕی موسڵدا، بەهۆی بۆمبێكی چێنراوی داعش لەسەر چاڵی خەسفە، كە هێمای تاوانكاریی ئەو گرووپە تووندڕەوەیە، شەهیدبوو.

شەهیدبوونی شیفا گەردی لەسەر ئاستی دەنگی دایەوە و دەیان ئاژانسی جیهانی و رۆژنامەڤانی نێودەوڵەتی هاوخەمییان بۆ رووداو دەربڕی. لەسەر ئاستی وڵاتانیش هەریەك لە ئەمریكا، رووسیا، ئەڵمانیا، فەرەنسا، كەنەدا، توركیا، ئێران، بەریتانیا و فەڵەستین لەڕێگەی نوێنەرەكانیانەوە  پرسە و سەرۆخۆشییان ئاراستەی رووداو كرد.

داڕشتنەوە: راوچی حەسەن 

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك