كوردى

ھێرۆ ئیبراھیم ئەحمەد: ئامانجی سەرەکیمان ھێورکردنەوەی رەوشی ئاڵۆزی کەرکووکە

قناة رووداو Rudaw
مصدر الخبر / قناة رووداو Rudaw

رووداو – سلێمانی 

ئەندامی مەکتەبی سیاسی یەکێتی نیشتمانیی کوردستان و ھاوژینی جەلال تاڵەبانی لەبارەی رەوشی ئەمنی کەرکووک دەڵێت “ئامانجی سەرەکیمان ھێورکردنەوەی رەوشی ئاڵۆزی کەرکووکە”.

رۆژی پێنجشەممە 12-10-2017، ھێرۆ ئیبراھیم ئەحمەد، ئەندامی مەکتەبی سیاسی یەکێتی نیشتمانیی کوردستان پەیامێکی بڵاوکردەوە و دەڵێت “داوا لە ھەموو ھێزەکانی عێراق و ھێزی پێشمەرگەی کوردستان دەکەم کە دان بەخۆیاندا بگرن و ئامانجی سەرەکیشمان ھێورکردنەوەی رەوشی ئاڵۆزی کەرکووکە”.

لە بەشێکی دیکەی قسەکانیدا لەبارەی گفتوگۆی نێوان هەرێمی کوردستان و بەغدا رایدەگەیێنێت “پێویستە دەست بکرێت گفتوگۆ لەگەڵ بەغداد بۆ چارەسەرکردنی سەرجەم کێشەکانی نێوان بەغداد و ھەرێم”.

دەقی پەیامەکەی هێرۆ ئیبراهیم ئەحمەد

جەماوەری گەلی کوردستانی خۆڕاگر و قارەمان، ئاشکرایە کە ئەمڕۆ جەماوەری کوردستان و گەلەکەمان رووبەڕووی چەندین قەیران و مەترسی بۆتەوە بەتایبەتی پاش ئەنجامدانی راپرسیەکە. بەداخەوە ئێستاش کە مام جێی ھێشتوین، رووبەڕووی بەرپرسیارییەکی گەورە و مێژوویی بووینەتەوە.

من لێرەدا بە پێویستی دەزانم کە لە پێناو پاراستنی رێبازەکەیدا و گەڕاندنەوەی ئاشتی و تەبایی بۆ گەلانی عێراق بە گشتی و گەلی کورد بەتایبەتی، بەزووترین کات ئەم ھەنگاوانە بنێین.

قۆناغی راپرسی و ئەنجامەکانی تێپەڕی و لەپێناو بەرژەوەندیی خاک و گەلەکەماندا قۆناغێکی نوێ دەستپێبکەین، ئەوەش بە دەستپێکردنی گفتوگۆ لەگەڵ بەغداد بۆ چارەسەرکردنی کێشەکانی نێوان بەغداد و ھەرێم و دەستور و ماددەکانی بکرێنە بنچینەی گفتوگۆکان.

ھێورکردنەوەی بارودۆخی ئاڵۆزی کەرکوک ئامانجی سەرەکیمانە، بۆیە داوا لە ھەموولایەکی پەیوەندیدار دەکەم بەرپرسیارانە مامەڵە لەگەڵ بارودۆخەکە بکەن و بەرژەوەندیی کۆمەڵانی خەڵکی کەرکوک و ناوچە دابڕێنراوەکان بخەنە سەروو ھەموو بەرژەوەندییەکی دیکە.

دوا لە ھەموو ھێزەکانی عێراق و ھێزی پێشمەرگەی کوردستان دەکەم کە دان بە خۆیاندا بگرن و بارودۆخی کەرکوک و ناوچە دابڕێنراوەکان ئاڵۆزتر نەکەن و ئارامی و ئاسایشی ژیانی ھاووڵاتیانی پارێزگای کەرکوک و ناوچە دابڕێنراوەکان و کوردستان بپارێزن.

ھەرشاد و سەرکەوتوو بن لە پێناو پاراستن و ئارامیی ھەرێمی کوردستان و عێراق.

هێرۆ ئیبراهیم ئەحمەد

12-10-2017

 

Tu dikarî ev nûçe ji çavkaniya xwendin , Rudaw

عن مصدر الخبر

قناة رووداو Rudaw

قناة رووداو Rudaw

أضف تعليقـك